Kêrbenn Ghana eo Accra.
Un distummadur eus ar ger akanek Nkran eo hec'h anv, a dalvez kement ha "merien" en abeg d'ar merionegi niverus a oa eno kent savidigezh kêr.
Kêr vrasañ ar vro eo ivez, en arvor, ha kreiz an armerzh enni. Poblet e oa gant 1 963 264 a dud da vare renabl ofisiel ar bloavezh 2010.
Gwiadoù graet er vro, koulz ha prenn a vez ezporzhiet eus Accra.
Kresket eo kêr Accra en-dro d’ur c’hreñvlec’h savet gant Breizhveuriz, d’unan savet gant Daniz ha d’unan all savet gant Izelvroiz, er XVIvet ha XVIIvet kantved. E 1877 e teuas Accra da vezañ pennlec’h an drevadenn vreizhveurek, e-lec’h Cape Coast. Pa voe savet un hent-houarn da vont en argoad e teuas Accra, tamm-ha-tamm, da vezañ kreizenn armerzhel Aod an Aour.
This article uses material from the Wikipedia Brezhoneg article Accra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.