Íte ingen Chinn Fhalad, pe Ita, Ida pe Ides, lesanvet Brec'hed Mumhan, ha marvet war-dro 570 pe 577, a oa ul leanez ha santez iwerzhonat, maeronez Cluain Credhail (Killeedy).
D'ar 15 a viz Genver e vez lidet.
Ganet eo er vro a zo bremañ Kontelezh Port Láirge. He zad e oa Cennfoelad, pe Confhaola, he mamm e oa Necht, pe Necta. Un diskennad da Felim e oa he zad. Merc'h da Dallbrónach e oa he mamm, ha dre se c'hoar da vamm santez Berc'hed.
Pan eas da leanez ec'h eas da chom da g-Cluain Credhail, anavezet ivez evel Cill Íde - da lavarout eo "Iliz Santez Ita" - e Kontelezh Luimneach. Eno e oa e penn ur gumuniezh merc'hed. Krediñ a reer e oa gante ur skol evit paotredigoù ma veze kelennet ar feiz kristen. En o zouez e vije bet Sant Brendan.
This article uses material from the Wikipedia Brezhoneg article Íte ingen Chinn Fhalad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.