པཎ་ཆེན་ཤཱཀྱ་མཆིག་ལྡན་

ས་སྐྱའི་བླ་མ་འདི་ཉིད་རབ་ཆུང་བདུན་པའི་ས་སྤྲེལ(༡༤༢༨)ལོར་གསང་ཕུའི་བར་ཚིགས་ཞེས་པར་སྐུ་འཁྲུངས། དགུང་ལོ་བརྒྱད་པ་ལ་སྐྱོར་མི་ལུང་དུ་རོང་སྟོན་ཆེན་པོ་ལས་རབ་ཏུ་བྱུང་། མཚན་ཤཱཀྱ་མཆོག་ལྡན་དྲི་མེད་ལེགས་པའི་བློ་ཞེས་གསོལ། དགུང་ལོ་ཉེར་གཅིག་གི་བར་རོང་སྟོན་ཆེན་པོའི་ཞབས་ལ་གཏུགས་ནས་རྒྱན་དྲུག་མཆོག་གཉིས་ཀྱི་གཞུང་སོགས་ཟབ་ཆོས་མང་དུ་གསན། དགུང་ལོ་ཉེར་ལྔ་པ་ལ་ངོར་དགོན་དུ་ངོར་ཆེན། བྲག་དཀར་སེམས་དཔའ་ཆེན་པོ། མུས་ཆེན་གསུམ་གྱིས་མཁན་པོ་དང་ལས་གསང་མཛད་དེ་བསྙེན་པར་རྫོགས། བྲག་དཀར་སེམས་དཔའ་ཆེན་པོ། མུས་ཆེན་གསུམ་གྱིས་མཁན་པོ་དང་ལས་གསང་མཛད་དེ་བསྙེན་པར་རྫོགས། བྲག་དཀར་སེམས་དཔའ་ཆེན་པོ། ལྕང་ལུང་པ་གཞོན་ནུ་བློ་གྲོས། པཎ་ཆེན་ནགས་རིན་སོགས་ལས་གསུང་ངག་སྦྱོར་དྲུག་གི་གཙོས་ཟབ་རྒྱས་ཀྱི་ཆོས་མང་དུ་ནོད། དགུང་ལོ་བཅོ་ལྔ་པ་ལ་གསང་ཕུའི་གནས་སྒོ་གྲྭ་ཚང་གི་འཛིན་བདག་མཛད། དེ་ནས་དཔལ་ལྡན་ས་སྐྱར་《གཞུང་ལུགས་བརྒྱ་ལ་བཤད་པའི་དགའ་སྟོན》དང་། 《གོ་སྒྲ་ལས་དྲངས་པའི་གནས་བསྟོད་དང་ང་བརྒྱད་མ》སོགས་མཛད། དགུང་ལོ་ཞེ་ལཉིས་པ་ས་གླང(༡༤༦༩)ལོར་གསེར་མདོག་ཅན་དུ་འདུས་ཚོགས་བརྒྱ་ཕྲག་བདུན་ལ་འཆད་རྩོད་རྩོམ་གསུམ་གྱིས་བསྟན་པ་སྤེལ་ཏེ། དགུན་ཆོས་ལ་མངོན་པ་གོང་འོག། དཔྱིད་ཆོས་ལ་དབུ་མ། དབྱར་ཆོས་ལ་འདུས་བ་གཙོ་བོར་འདོམས་པར་མཛད། དེ་ནས་ཆོས་རྒྱལ་རྣམ་རྒྱལ་གྲགས་པ་ལས་དུས་འཁོར་གྱི་དབང་གྱི་དབང་སོགས་གསན། གསེར་མདོག་ཅན་དུ་དྲི་ལན་གསེར་གྱི་ཐུར་མ་མཛད། བློ་བརྟན་བཞི་པ་དང་དེའི་ཉེ་གནས་བློ་ལྡན་པའི་དྲུང་དུ་ཀ་ཙན་སྙན་ངག་སོགས་སྦྱངས་ཤིང་། རིག་གནས་ལྔ་ལ་སྙན་པའི་གྲགས་པས་ཁྱབ། ཡོངས་རྫོགས་པཎྜི་ཏ་ཆེན་པོར་གྱུར། སྤྱིར་རག་གནས་ལྔ་དང་། ཁྱད་པར་སྒྲ་རིག་དང་། ནང་རིག་གི་སྙིང་པོ། བཀའ་བར་མཐའ་དང་། ལུགས་གཉིས་ཀྱི་སྲོལ་ལས་བྱུང་བའི་རང་སྟོང་གཞན་སྟོང་གི་ལྟ་བའི་གནད་ཟབ་མོ་ལ་འདི་ཁོ་ན་བཀའ་དྲིན་ཆེ། དེ་བཞིན་མངའ་རིས་འཁོར་འཕྲལ་འདུ་ཁང་རྙིང་པ་དང་། ཕྱིས་གསར་པ། མགོན་ཁང་། གོས་སྐུ་སོགས་བཞེངས། ཕྱག་རྩོམ་ལ་ཡང་། 《ཚད་མའི་དཀའ་འགྲེལ་སྤྱི་དོན་ཆེ་ཆུང་གཉིས》 《རྣམ་རིག་ཊཱིཀ་ཆེན་གཉིས》 《ཕར་ཕྱིན་ཊཱི་ཀ་ལུང་སྙིང་སྤྱི་དོན་གསུམ》 《རྩ་འཇུག་ཊཱི་ཀ་སྟོང་ཐུན་ཆེན་མོ་གསུམ》 《འདུལ་པའི་བཀའ་འགྲེལ་ལས་བརྒ་ཊཱིཀ》དང་། 《བདེ་གསང་རྣམ་བཤད་གསེར་ཐུས་ཆོས་ཚན》སོགས་རྩོམ་པའི་རྣམ་གྲངས་ཤིན་ཏུ་མང་བར་མཛད། གསུང་ལས་སྐྱེས་པའི་སློབ་མ་སོགས་མང་དུ་བྱོན། དེ་ལྟར་མཛད་པ་མཐར་ཕྱིན་ཏེ་དགུང་ལོ་བརྒྱད་ཅུ་ལ་ཕེབས་པ་རབ་ཆུང་དགུ་པའི་མེ་ཡོས(༡༥༠༧)ལོར་དགོངས་པ་གཞན་དོན་དུ་གཤེགས།

Tags:

🔥 Trending searches on Wiki བོད་སྐད:

༼རྒྱལ་ཁབ་གསུམ་གྱི་གཏམ་རྒྱུད།༽ཨོ་སི་ཐྲི་ཡ།ཟླ་༧ཚེས་༡ཉིན་སའོ་ཊོ་མེ་དང་པི་རིན་སི་པ།སྣང་ས་འོད་འབུམ་མེ་ཀེ་ལན་ཇུ་ལོ།ཁྲི་སྒྲ་དཔུང་བཙན།བོད་ཀྱི་རྒྱལ་རབས་གུ་རུའི་རྣམ་ཐར།འདུས་སྲོང་མང་པོ་རྗེ།༢༠༢༣ལོའི་ཨེ་སི་རལ་དང་ཧ་མ་སི་བར་གྱི་འཐབ་འཁྲུགཤེས་རབ་སྙིང་པོ་རྒྱལ་བ་དགེ་འདུན་གྲུབ་དུང་དཀར་ཚིག་མཛོད་ཆེན་མོ་ཁྱབ་འཇུག་གི་འཇུག་པ་བཅུ་རྒྱལ་ཁབ་དག་གི་མིང་།དུས་ཆེན།འཕྲུལ་འཁོར།གློག་རིག་པ།ཆོས་ཉིད་བར་དོའི་གསལ་འདེབས་ཐོས་གྲོལ་ཆེན་མོ་གཡགཡེ་ཤུའི་ཆོས་ལུགསསོ་ཁྲི་བཙན་པོ།༡༧༥༤ལོ།རྐང་རྩེད་སྤོ་ལོ།ཀྲོང་མི།ཐེག་པ་ཆེན་པོ་མདོ་སྡེའི་རྒྱན་བཀའ་སྡེ་སྣོད་གསུམ་གྱི་ངོ་སྤྲོད་རག་བསྡུས།འགྲོ་བ་རིགས་དྲུག་ཕོ་བྲང་པོ་ཏ་ལ་རིགས་ལྔ་མཁའ་འགྲོ།བཙན་པོའི་བང་སོ།དགེ་རྒན།ཟླ་༣ཚེས་༩ཉིན་ཁ་ཆེ་ཕ་ལུ།༢༠༢༠ལོ།མི་འཕྲོད་ཉེས་སྐྱོན།པཎ་ཆེན་སྐུ་ཕྲེང་བཞི་པ་བློ་བཟང་ཆོས་ཀྱི་རྒྱལ་མཚན་མི་ཕམ་སྐད་གཉིས་ཤན་སྦྱར་སྟོད་རྒྱུ་སྐར།པཎ་ཆེན་སྐུ་ཕྲེང་བརྒྱད་པ་བསྟན་པའི་དབང་ཕྱུག་ཧྥིན་ལན།ཟླ་༣ཚེས་༥ཉིན་བོད་སྐད།ཏོ་རི་ལུང་བཙན​།སྐྱེ་བ་སྔ་ཕྱི་སི་ཏུའི་འགྲེལ་ཆེན་ཁྲི་གཉན་གཟུངས་བཙན།རྨ་ཆུ།སུད་སི།ཕ་རི།ཉི་ཧོང་སྐད།ས་སྐྱ་དགོན།རི་མོ།ཞོན་ཙང་།གཙོད།ཁ་བཏགས།རྒྱལ་བ་མ་ཕམ་པ་སྒྱུ་རྩལ།ཨ་མེ་རི་ཁ་རྒྱལ་ཕྲན་མཉམ་འབྲེལ་རྒྱལ་ཁབ།ཕྲེང་བ།གཅན་ཚ།🡆 More