འདི་རྒྱ་གར་སྐད་ཡིན་ཅིང་། བོད་སྐད་དུ་བསྒྱུར་ན་འཇིག་རྟེན་དབང་ཕྱུག་ལ་ཕྱག་འཚལ་ལོ་ཞེས་པའི་དོན་སྟེ། ན་མོ་ནི་གུས་པས་འདུད་པ་དང་ཕྱག་འཚལ་བའི་དོན། ལོ་ཀཻ་ཤྭ་ར་ཡ་ནི་འཇིག་རྟེན་དབང་ཕྱུག་ལ་ཞེས་པའི་དོན་ཡིན། བྱ་ཚིག་སྔོན་དུ་ཡོད་པ་དང་བྱ་ཡུལ་དེའི་རྗེས་སུ་སྦྱར་ནི་རྒྱ་གར་སྐད་ཀྱི་ཁྱད་ཆོས་ཡིན་ཅིང་། འཇིག་རྟེན་དབང་ཕྱུག་ནི་འཕགས་པ་སྤྱན་རས་གཟིགས་ལ་མཚན་གྱི་རྣམ་གྲངས་བརྒྱ་དང་བརྒྱད་ཡོད་པའི་ནང་གི་གཅིག་ཡིན། འདིར་བོད་ཀྱི་རྒྱལ་རབས་འཆད་པའི་ཐོག་མར་འཕགས་པ་སྤྱན་རས་གཟིགས་ལ་འཕྱག་འཚལ་བ་ནི་སངས་རྒྱས་ཆོས་ལུགས་དང་བོད་ཀྱི་ལོ་རྒྱུས་ཐོག་བཤད་སྲོལ་ལ་བོད་ནི་སྤྱན་རས་གཟིགས་ཀྱི་འདུལ་ཞིང་ཡིན་པ་དང་། རྒྱ་ནག་ནི་རྗེ་བཙུན་འཇམ་དཔལ་དབྱངས་ཀྱི་འདུལ་ཞིང་ཡིན་པར་བཤད་སྲོལ་ཡོད་པས་དེ་དང་མཐུན་པར་མཛད་པ་ཡིན།
This article uses material from the Wikipedia བོད་སྐད article ན་མོ་ལོ་ཀཻ་དེ་ཤྭ་ར་ཡ་, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). དེ་མིན་གྱི་མཆན་འགྲེལ་ཡོད་ན་མ་གཏོགས། དྲ་བའི་ནང་དོན་ CC BY-SA 4.0 སྟེང་དུ་ཡོད། Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki བོད་སྐད (DUHOCTRUNGQUOC.VN) is an independent company and has no affiliation with Wiki Foundation.