Waja Tahan Tagar

Bamacam janis waja tahan tagar baisi kandung palihan karbon (matan 0.03% sampai labih pada 1.00%), nitrogen, aluminium, silikon, sulfur, titanium, nikel, tambaga, selenium, niobium, wan molybdenum. Sapalih macam waja tahan tagar rancak diulah lawan talung buting angka, cuntuhnya adalah waja tahan tagar 304.

Katahanan matan pangikisan waja tahan tagar adalah hasil adanya kandungan kromium wan lugam-lugam campuran nang maulah pasivasi kimia nang malindungi bahan dasar matan sarangan pangikisan wan kawa mawagasakan sasaurang wayah ada uksigen. Katahanan pangikisan kawa ditingkatakan ka tingkat nang tatinggi lawan cara:

• maningkatakan bahan kromium nang ada ka tingkat di atas 11%;
• tambahan 8% atawa nang tatinggi lagi matan nikel; wan
• panambahan molybdenum (nang baguna gasan manambah katahanan matan pangikisan luang.

Panambahan nitrugin maningkatakan jua lawan katahanan matan pangikisan luang wan manaikakan kakuatan mikanis. Jadi, banyak tingkatan waja tahan tagar nang baisi tingkatan kromium wan molybdenum gasan manyasuaiakan kaparluan matan waja tahan tagar tadi.

Bamasak

Waja tahan tagar biasanya kada babahaya gasan kasihatan makhluk hidup, tapi sapalihan urang ada nang kada tahan kawa mandapati iritasi kulit maraga alergi nikel lawan sapalihan lugam tatantu.

Waja tahan tagar manyarap nikel wan kromium dalam jumlah halus haratan bamasak.

Pangalasan

Ada panalitian luas nang manampaiakan bahwa mahirup asap pangalasan waja tahan tagar maningkatakan risiku takana panyakit kanker (pasnya kanker paparu).