Untuk atawa untuk-untuk adalah salah sabuting wadai has Suku Banjar.
Wadai ngini kawa didapati di sabarataan dairah di Kalimantan Salatan. Untuk-untuk rancaknya jadi makanan baisukan Urang Banjar suwalih makanan nang lain. Untuk rancaknya nyaman dimakan wayah masih panas-panas. Untuk-untuk bantuknya bulat atawa lunjung. Wadai ngini nyaman banar diulah. Gasan maulah untuk-untuk, adunannya sama haja kaya maulah roti antara lain campuran galapung, hintalu, santan, mentega, gula, wan ragi. Untuk-untuk ngini isiannya bamamacam jua, ada nang isi hinti, pisang, kacang hijau, kacang tanah, tagal nang paling banyak ngitu isi hinti (campuran parutan nyiur lawan gula habang). Bidanya antara untuk-untuk lawan roti, lamun roti ngitu diubar di tungku, lamun untuk-untuk ngitu disanga di dalam minyak nang panas atawa kawa jua disumap. Untuk basumap bantuknya mahirip lawan bakpao.
This article uses material from the Wikipedia Bahasa Banjar article Untuk-untuk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.