Uma
Uma (Belitung: uma; Sambas: ummak) adalah kuitan bibinian saurang anak, baik malalui hubungan biologis maupun sosial.
Umumnya, uma baisi peranan nang sangat panting dalam mangganalakan kanak, dan sambatan ibu kawa dibariakan gasan bibinian nang bukan kuitan kandung (biologis) dari sasaurang nang maisi'i peranan ini. Misalnya adalah pada kuitan angkat (karena adopsi) atau uma tiri (istri abah biologis anak).
Mama adalah sambatan lain gasan uma. Panyambatan uma gasan sambatan "mama" sudah manjadi hal nang umum di masyarakat Indonésia wayah ini. Wayah jaman Walanda, urang Banjar nang bagana di kota, manyambat uma lawan istilah bahasa Walanda yaitu mami.
Wayah jaman bahari nangkaya dipadahakan dalam Hikayat Banjar (abad XVII) sambatan gasan umanya raja atawa urang nang tutus raja disambat "ibu". Kutipan Hikayat Banjar :" Maka ia digalar dinamai oleh Marhum Panambahan itu, Kiai Tumanggung Raksanagara. Umanya itu barsapupu sakali lawan ibu Marhum Panambahan itu.
Catatan batis
This article uses material from the Wikipedia Bahasa Banjar article Uma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.