Soto, sroto, sauto, tauto, atau coto adalah makanan khas Indonesia nang kaya sup nang tabuat dari kaldu daging wan sayuran.
Daging nang paling rancak dipakai adalah daging sapi wan ayam, tatapi ada jua nang mamakai daging babi atawa kambing. Banyak banar dairah di Indonesia baisi soto khas dairahnya masing-masing lawan campuran nang balain-lain, nang kaya soto Madura, soto Kediri, soto Pemalang, soto Lamongan, soto Jepara, soto Semarang, soto Kudus, soto Betawi, soto Padang, soto Bandung, sroto Sokaraja, soto Banjar, soto Medan, dan coto Makassar. Soto jua dibari ngaran sasuai isinya, pariannya soto ayam, soto babat, atawa soto kambing. Ada jua soto nang diulah dari daging batis sapi yang disambat lawan soto sekengkel.
Cara manyurungakan soto balain-lain sasuai kaunikan di satiap dairah. Soto rancaknya disurung lawan nasi, lontong, katupat, mi, wan bihun atawa suun. Sakira manambah kanyamanan, soto rancaknya dicampur lawan bamacam-macam iwak, pariannya karupuk, perkedel, emping, sambal, wan sambal kacang. Ada jua nang manambahakan hintalu puyuh, sati karang, limau kuit, wan bamacam-macam sangaan (tempe, tahu, bakwan) wan koya.
This article uses material from the Wikipedia Bahasa Banjar article Soto, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.