Pampijit

Pampijit dipinandui sawagai spesies nang manginum darah manusia wan binatang badarah panas lainnya. Pampijit katuju bagana di rumah manusia, apalagi di pangguringan. Pampijit rancak bagana wan bahintalu di lipatan pangguringan atawa bantal wan tampat nang tasalip. Pampijit kawa maigut urang tanpa disadari urangnya, biasanya pampijit agresif wayah malam. Pampijit kawa manimbulakan bakas igutan nang babantuk bial wan asa gatal wan panas. Pampijit ngini biasanya manimbulakan panyakit ruam-ruam, ujak psikologis, wan gajala alergi. Binatang ngini baunya kada tapi nyaman wan pina manyangat di hidung.

?Pampijit
Cimex lectularius
Klasifikasi ilmiah
Karajaan: Animalia Filum: Arthropoda Kelas: Insecta Ordo: Hemiptera Upaordo: Heteroptera Infraordo: Cimicomorpha Superfamili: Cimicoidea Famili: Cimicidae Latreille, 1802
Subfamilies, Genera & Species
Subfamily Afrociminae Genus Afrocimex Afrocimex constrictus Subfamily Cimicinae Genus Bertilia Genus Cimex Cimex adjunctus Cimex antennatus Cimex brevis Cimex columbarius Cimex incrassatus Cimex latipennis Cimex lectularius Cimex hemipterus (C. rotundatus) Cimex pilosellus Cimex pipistrella Genus Oeciacus Oeciacus hirundinis Oeciacus vicarius Genus Paracimex Genus Propicimex Subfamily Cacodminae Genus Aphrania Genus Cacodomus Genus Crassicimex Genus Leptocimex Leptocimex boueti Genus Loxaspis Genus Stricticimex Subfamily Haematosiphoninae Genus Caminicimex Genus Cimexopsis Cimexopsis nyctalis Genus Haematosiphon Haematosiphon inodorus Genus Hesperocimex Hesperocimex coloradensis Hesperocimex sonorensis Genus Ornithocoris Ornithocoris pallidus Ornithocoris toledoi Genus Psitticimex Genus Synxenoderus Synxenoderus comosus Subfamily Latrocimicinae Genus Latrocimex Subfamily Primicimicinae Genus Bucimex Genus Primicimex Primicimex cavernis

Kaparluan darah

Pampijit parlu darah gasan bakambang matan mamacah hintalu sampai tuha. Rancaknya pampijit ditamui di pangguringan atawa jua kursi. Di Indunisia, sampai pahabisan 1970-an, masalah pampijit banyak ditamui di rumah, hotel, wan jua di bis wan tampat nang lain-lain.

Bakambangbiak

Pampjit bini baintalu 200 buting (3-4 buting intalu satiap harinya). Dalam 5 bulan, Pampijit baukuran 6-10 mm sampai tuha. Kawa hidup sampai 10 bulan.

Pampijit kawa ditamui sabarataan wilayah di dunia nang sudah dihuni manusia. Baharinya, pampijit identik lawan urang kada baduit wan cungul di andak panampungan nang ganal. Wayah ngini, pampijit kawa ditamui di parak barataan tampat, mulai matan rumah sakit, hutil, sampai karita api, kapal pasiar, wan pasawat tarbang. Rancaknya, pampijit batabun di bagasi, saupama inya kawa bapindah jua malalui pakakas wan banda lainnya. Marga kadada disuruhukan malapur gasan maitihi ada atawa kada pampijit rahatan tulak kamana-mana, jadi kada dikatahui jumlah pampiit barapa, tagal ada haja kaduan masalah pampijit ngini.