Lawang Ari adalah lawang satangah nang tabuka higa atasnya, lawang ngini baandak di subalah muka matan Lawang Hadapan) rumah taradisiunal suku Banjar (rumah Banjar di Kalimantan Salatan.
Lawang Ari badaun dua wan mambuka ka ampah muka. Sadangakan Daun lawang di Lawang Hadapan mambuka ka ampah dalam rumah. Lawang Ari barupa jaruji tagak nang dihiasi lawan ukiran hiasan has Banjar. Di ambang atas Lawang Ari tadapat Jurai Lawang wan di atas Jurai Lawang tadapat Dahi Lawang.
Lawang Ari di rumah Bubungan Tinggi wan rumah Gajah Baliku bajumlah sapasang atawa badaun dua. Gasan masuk ka dalam rumah tadapat jajakan babantuk kutak nang disambat Pacira Luar. Jajakan babantuk kutak ngini rancaknya kawa dibuka tutup wan wadah di dalamnya baguna jadi tampat manyimpan alat patanian/pabingkilan.
Dalam pakambangannya Lawang Ari bajaruji ngini diganti lawan lawang jalusi, tagal tatap matan bahan kayu dalam rumah mudirin damini diganti lawan pintu bajarajak.
This article uses material from the Wikipedia Bahasa Banjar article Lawang Ari, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.