Kalangkala
Kalangkala merupakan buah hutan Kalimantan.
Buah kalangkala nang masak biasanya diulah masyarakat gasan kawan makan, ada nang manyambat gangan kalangkala atawa cacapan kalangkala. Buah kalangkala babantuk bulat, nang masak kulitnya bawarna habang anum, lamun masih mantah bawarna hijau. Dagingnya mirip wan buah alpukat tapi warna dagingnya putih.
Maulahnya nyaman banar, buah kalangkala dirandam dalam banyu nang dibuati uyah, tambahi lumbuk parawit gasan nang katuju padas. Marandam buah kalangkala ngini lawan banyu nang sadang panasnya, lamun pakai banyu panas banar daging buahnya linyak, wan lamun pakai banyu dingin daging buahnya kada masak.
Buah kalangkala tamasuk buah musiman, biasanya banyak tumbuh di daerah hulu sungai. Buah ngini sudah jarang dikatahui ulih generasi nang anum.
This article uses material from the Wikipedia Bahasa Banjar article Kalangkala, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.