Hampangau atawa bilahu (Leptocorisa oratorius Fabricius, (Hemiptera:Alydidae); syn.
Leptocorisa acuta) adalah karangga nang manjadi hama panting pada tanaman budidaya, tautama banih. Binatang ini mudah dikanali matan bantuknya nang mamanjang, baukuran sakira 2 cm, bawarna suklat habu, wan baisi "balalai" (proboscis) gasan mahiyut cairan tumbuhan. Hampangau adalah angguta ordo Hemiptera (bangsa kapik sajati).
?Hampangau | ||||||||||||||
---|---|---|---|---|---|---|---|---|---|---|---|---|---|---|
Klasifikasi ilmiah | ||||||||||||||
|
Karangga batina mahasilakan 100-200 hintalu, nang diandak di daun banih. Nimfanya bawarna hijau, nang bagamatan manjadi suklat, wan maalami ganti kulit 5 kali. Stadia nimfa tajadi salawas 17-27 hari. Pada kundisi nang rasuk, imago kawa hidup sampai 115 hari. Nimfa dan imago manyarang buah banih nang matang susu lawan cara mahiyut cairan buah, sampai buah manjadi puang. Pada bakas sudukannya, mancungul suatu bintik putih nang disababakan candawan Helminthosporium. Cara mangandaliakannya adalah lawan pananaman sacara baimbaian, sanitasi pada tanaman nang disarang, atawa lawan disimbur pakai insektisida manurut takaran anjuran.
This article uses material from the Wikipedia Bahasa Banjar article Hampangau, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.