Cina Parit

Dalam pandiran sahari-hari, urang Tionghoa disambat urang Cina ulih suku Banjar wan sahikit ngalih ilat urang Banjar manyambat istilah Tionghoa, wan kanyataannya masarakat Tionghoa di Banjarmasin bagana di kawasan Pacinan nang tadiri matan Kampung Pacinan Laut (parak sungai) wan Kampung Pacinan Darat (jauh matan sungai). Masarakat Tionghoa saurang manyambat dirinya Cina Banjar lain Tionghoa Banjar.

Kiauan Cina Parit ngini rancak jua gasan pagawi imigran panambangan timah nang datang ka pulau Bangka wan Belitung. Pangaranan urang Cina Parit dipakai sacara rasmi jadi sasabuting garumbung suku nang mangganai Kalimantan Selatan maumpat Musium Lambung Mangkurat, marga tumatan panambaian kadatangannya ka wilayah ngini urang Tionghoa dikiau 'Urang Cina' dalam basa Banjar. Urang-urang Cina Parit nang ditampatakan di Distrik Maluka ngini didatangakan sacara langsung matan Tiongkok ulih Alexander Hare, komisioner residen Inggris gasan Kalimantan kikira tahun 1812.

Wayah tahun 1816 atawa 1817 pamarintah Walanda baisi pandirian pulang di Bandjermasin, di mana saikung pajabat kapala ditampatakan. Tabanio diduduki pulang wan Jager rasmi ditunjuk jadi paingkut pus di sana. Wayah damini, kaanggitan Tanah-Laoet babibit matan pamarintah Hindia Walanda.

Di Sungai Maluku wan Tabanio, kantur tul didiriakan wan 1/10 barang nang diikspur matan Tanah-Laoet dinaikakan; matan lilin, banih wan amas, nang ditabuk di palihan ngini ulih panabuk amas Cina, pajak dikanakan jua.

Kawa disambat lamun paganaan Cina panambaian di Tanah-Laoet tajadi kikira tahun 1790. Urang-urang Cina ngini datang matan Pontianak wan dijuhut matan sana ulih kambuh tangan Panembahan-Batoe. Tagal, jumlah bubuhannya wastu 13 ikung; babarapa tahun imbahnya, pasadiaan 70 labih banyak urang Cina datang langsung matan Tiongkok, pahadangan malalui pacaraman Master Her, 70 lainnya didatangakan matan Pontianak.

Wayah jumlah urang Cina babanyak jadi kikira 150 ikung, saikung kaptin urang Cina diangkat atas bubuhannya, nang manarima paangkatannya matan Bandjermasin.

Gawian panambangan mangulihakan kauntungan ganal pamulaannya, marga upah urang Dayak wan Malayu (Banjar) liwar randah. Sapalih urang Cina sudah kawa bulik ka Cina lawan harta nang dikulihi.