Babungku atawa Bubungku ngitu makanan khas Banjar Kalimantan Selatan.
Babungku artinya babungkus. Babungku diulah matan galapung baras, banyu santan likat, gula habang wan uyah wan jua daun pisang gasan pambungkusnya. Maulah wadai ngini mamulai lawan manjarang banyu santan hingga manggurak, angkat, imbah tu tarasa suam maka tuangakan tunggal dikitan ka galapung baras nang imbah disiapakan di dalam wadah, diharu sampai manyatu wan likat.
Pahadangan nitu siapakan halung atawa liliripan daun pisang nang dibantuk sagi ampat panjang lawan malipat kadua hujungnya ka atas. Bantuknya disasuaiakan wan ganal halusnya wadai Babungku nang handak diulah. Imbah tu, adunan nang imbah dimasaki tadi dijumput sadikitnya (sasanduk) imbahnya dibungkus wan daun pisang. Hadap kiwa wan kanannya dikapit lawan lidi wan dijarat daun nyiur.
This article uses material from the Wikipedia Bahasa Banjar article Babungku, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.