Laplap hemi kastom kakae blong Vanuatu.
Igat ol defdefren kaen laplap long Vanuatu. Samfala yu tekem yam, samfala taro, o maniok, o bresfrut; ale skrasem, skrasem go–go, pushum igo long bigfala lif olsem lif banana. Samtaem yu save adem fis tu, o spos no, mit blong buluk, o pig, o faol tu. Ale, skwisim melek blong kokonas igo long hem.
Kavremap evriwan wetem lif (banana lif o wanem), long smosmol bandel o sipos no long wan bigwan bandel wantaem. Finis ale, putum evriwan long stonoven, hemia oven we istap long graon, kavremap wetem hot ston; bekem. Taem hem tan finis, yu openem oven, tekemaot laplap.
Oli bekem laplap olsemia blong bigfela grup i save sherem: olsem, long wan lafet blong vilej, wan maret, wan kastom seremoni, wan selebresen olsem.
This article uses material from the Wikipedia Bislama article Laplap, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bislama (DUHOCTRUNGQUOC.VN) is an independent company and has no affiliation with Wiki Foundation.