सिसिली: इटली के एगो प्रदेश
सिसिली (अंग्रेजी: Sicily) चाहे सिसली, भूमध्य सागर में सभसे बड़हन दीप हवे आ इटली के 20 गो क्षेत्र (प्रांत) सभ में से एगो क्षेत्र हवे। ई इटली के पाँच गो खुद शासित इलाका (ऑटोनॉमस रीजन) सभ में आवे ला आ एकर राजधानी पालेर्मो शहर हवे। पूरा टापू के कुल आबादी लगभग 50 लाख (5 मिलियन) बाटे।
Sicily | |
|---|---|
 | |
| राजधानी | पालेर्मो |
| Area | |
| • Total | 25,711 किमी2 (9,927 बर्ग मील) |
| Population (2019) (8.3% of Italy) | |
| • Total | 4,969,147 |
| • Density | 190/किमी2 (500/बर्ग मील) |
| Time zone | UTC+1 (CET) |
| • Summer (DST) | UTC+2 (CEST) |
| Website | PTI.Regione.Sicilia.it |
त्रिभुज के आकृति के ई दीप इटली के मुख्य जमीनी एरिया से दक्खिन ओर पड़े ला जेकरा से मेसिना जलजोड़ एकरा के अलगा करे ला। ई एक तरह से भूमध्य सागर के बीचोबीच वाला हिस्सा में हवे। एकरे दक्खिन-पच्छिम में सभसे नगीचे के जमीनी हिस्सा ट्यूनीशिया के बा आ इनहन के बीचा में के जलजोड़ के सिसिली जलजोड़ कहल जाला। सिसिली के उत्तर में टाइरेनियन सागर बा जेह में कई गो दीप आ ज्वालामुखी बाड़ें; स्ट्राम्बोली इनहने में से हवे। सिसिली के सभसे प्रमुख रूप से जानल जाये वाला भूगोलीय चीज माउंट एटना हवे जे यूरोप के सभसे ऊँच सक्रिय ज्वालामुखी हवे आ दुनियाँ के कुछ सबसे बेसी सक्रिय ज्वालामुखी सब में सामिल बा।
संदर्भ
This article uses material from the Wikipedia भोजपुरी article सिसिली, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.