मीथेन चाहे मेथेन (अंग्रेजी: Methane; अमे.
उच्चा.: मॆथेन) एगो रासायनिक कंपाउंड हवे जेकर रासायनिक फार्मूला CH4 हवे (मने कि एह में कार्बन के एक ठो परमाणु आ हाइड्रोजन के चार ठे परमाणु होखे लें)। आम तापमान आ दाब पर ई पृथ्वी पर गैस के रूप में मिले ले। ई ग्रुप-14 के हाइड्राइड हवे आ सभसे सिंपल अल्केन हवे। एकर पृथ्वी पर मौजूद भरपूर मात्रा एकरे ईंधन (जलावन गैस) के रूप में इस्तेमाल खातिर उपयुक्त बनावे ले बाकी एकरा के वायुमंडल से अलगा के एकट्ठा कइल कठिन होखे के कारन एह तरीका से इस्तेमाल बहुत ना हो पावे ला।
मीथेन गैस धरती के सतह से नीचे के हिस्सा में आ समुंद्र के तली में पावल जाले जबकि धरती के सतह पर ई कई जीवीय प्रक्रिया द्वारा बने ले। एकर उत्पत्ती भूबिग्यानी आ जीवीय दुनो तरीका से होला। ई गोबर आ दलदली जगह में भी प्राकृतिक रूप से मिले ले। ई एगो ग्रीनहाउस गैस हवे आ एकर मात्रा वर्तमान में वायुमंडल में बढ़ रहल बाटे। एकर सभसे बेसी कंसंट्रेशन समुंद्री तली में पावल जाले।
This article uses material from the Wikipedia भोजपुरी article मीथेन, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.