भारतीय चुनाव आयोग
भारतीय चुनाव आयोग (अंग्रेजी: Election Commission of India; हिंदी में ऑफिशियल नाँव: भारत निर्वाचन आयोग) भारत सरकार के कानून आ न्याय मंत्रालय के भीतर काम करे वाला एगो खुदशासित (ऑटोनॉमस) बॉडी हऽ। एकर अस्थापना भारत के संबिधान द्वारा सीधे भइल हवे जेवना से कि देस के आजाद आ निष्पक्ष तरीका से चुनाव करावल जा सके। संबिधान के अनुच्छेद 324 द्वारा ई प्राबधान कइल गइल हवे कि संसद, राज्य बिधान मंडल, भारत के राष्ट्रपति आ उपराष्ट्रपति के चुनाव के निरीक्षण (सुपरिंटेंडेंस), निर्देश (डाइरेक्शन) आ कंट्रोल चुनाव आयोग में निहित होखी। एह तरीका से, भारतीय चुनाव आयोग एगो आल-इंडिया बॉडी हवे काहें से कि ई केंद्र आ राज्य सरकार खातिर कॉमन हवे।
| कमीशन (आयोग) overview | |
|---|---|
| Formed | 25 जनवरी 1950 (राष्ट्रीय मतदाता दिवस के रूप में मनावल जाला) |
| Jurisdiction | कानून आ न्याय मंत्रालय, भारत सरकार |
| Headquarters | निर्वाचन सदन, अशोक मार्ग, नई दिल्ली 28°37′26″N 77°12′41″E / 28.623902°N 77.21140000000003°E 77°12′41″E / 28.623902°N 77.21140000000003°E |
| Employees | लगभग 300 |
| कमीशन (आयोग) executives |
|
| Website | Official Website |
चुनाव आयोग लोकसभा, राज्यसभा, राज्य बिधान सभा, राज्य बिधान परिषद, राष्ट्रपति आ उपराष्ट्रपति के चुनाव करावे ला। चुनाव आयोग भारत के संबिधान के आर्टिकल 324, आ एकरे अनुपालन में बनावल गइल रिप्रेजेंटेशन ऑफ़ पीपल्स एक्ट के तहत काम करे ला। ई भारत के कुछ अइसन संस्था सभ में से हवे जे ऑटोनोमी आ आजादी के साथे काम करे लें जइसे कि हायर जूडीशियरी, संघ लोक सेवा आयोग, कंप्ट्रोलर एंड ऑडिटर जनरल (कैग) नियर संस्था काम करे लीं। ई परमानेंट संबैधानिक संस्था हवे। आम भासा में एकरा के केंद्रीय चुनाव आयोग भी कह दिहल जाला।
इहो देखल जाय
नोट
संदर्भ
This article uses material from the Wikipedia भोजपुरी article भारतीय चुनाव आयोग, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.