गोस्वामी तुलसीदास जिनके गोसाँईं जी भी कहल जाला, (1511— 1623) एक ठो हिंदू कवी-संत, सुधारक आ जगद्गुरु रामानंदाचार्य के परंपरा में रामानंदी संप्रदाय के एक ठो बिचारक रहलें जिनके श्रीराम के भक्त के रूप में पहिचान हवे। संस्कृत आ अवधी में कई ठे रचना करे वाला एह कवी के सभसे ढेर परसिद्धि रामचरितमानस खातिर हवे, जवन कि संस्कृत रामायण में बर्णित रामकथा के देसी भाषा अवधी में दुबारा बर्णन हवे।
गोस्वामी तुलसीदास | |
---|---|
जनम | रामबोला 1511 सोरों, दिल्ली सल्तनत, भारत |
निधन | 1623 अस्सी घाट, बनारस, मुग़ल राज (अब उत्तर प्रदेश, भारत) |
पदवी/उपाधि/सम्मान | गोस्वामी, संत, अभिनववाल्मीकि, भक्तशिरोमणि |
गुरु | प्रथम गुरु। नरहरिदास शिक्षा गुरु। शेषसनातन |
दर्शन | रामानंदी |
रचना | रामचरितमानस, विनय पत्रिका, गीतावली, दोहावली, साहित्य रत्न, हनुमान चालीसा, Vairagya Sandipani, Janaki Mangal, Parvati Mangal, and others |
तुलसीदास के उनका जियत रहते, मूल रामायण के रचयिता वाल्मीकि के अवतार मान लिहल गइल। तुलसीदास के हनुमान चलीसा के रचनाकार भी मानल जाला, जे वर्तमान में एक ठो बहुत प्रचलित प्रार्थना हवे, राम के भक्त हनुमान के प्रार्थना करे खातिर।
तुलसीदास के ज्यादातर जिनगी बनारस शहर में बीतल। इहाँ, गंगा के एगो घाट क नाँव इनहीं के नाँव पर तुलसी घाट रखल गइल बा। तुलसिये दास के संकट मोचन मंदिर के स्थापना के श्रेय दिहल जाला आ ई मानल जाला कि हेइजे उनके हनुमान जी के दरसन भइल रहल। रामलीला सुरू करे के श्रेय भी इनहीं के दिहल जाला, जे राम जी के कथा के नाटक रूपांतर होला आ आज बनारस के रामलीला पुरा दुनिया में अपना तरह के अकेल रामलीला हवे जहाँ पुरा सहरे एकर मंच हवे।
तुलसीदास के हिंदी साहित्य, भारतीय साहित्य आ विश्व साहित्य में सभसे महान कवी लोग में गिनल जाला। भारत के कला, संस्कृति आ समाज पर तुलसीदास के रचना सभ के परभाव बहुत बिस्तृत बाटे आ आजु भी ई परभाव देसी भाषा सभ, रामलीला, भारतीय शास्त्रीय संगीत, पापुलर संगीत, आ टीवी सीरीज में नोट कइल जा सके ला।
This article uses material from the Wikipedia भोजपुरी article तुलसीदास, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.