अखबार
अखबार (अंग्रेजी: Newspaper, हिंदी: समाचारपत्र, उर्दू: اخبار) एक ठो धारावाहिक प्रकाशन होला जे आमतौर पर समाचार (खबर), अउरी सूचना आ जानकारी परक लेख, आ परचार के सामग्री छापे ला। अक्सरहा ई एक ठो कम बढियाँ दर्जा के कागज, जेकरा के अखबारी कागज भी कहल जाला, पर छपे ला। बर्तमान में लगभग सगरी बड़ा अखबार सभ के ऑनलाइन प्रकाशन भी होत बाटे आ इनहन के ऑनलाइन अखबार या समाचार साइट कहल जाला।
अखबार, रोज-रोज, हप्तावार या महीना-वार छपे वाला हो सकेला जबकि कुछ हप्तावार छपे वाली अइसने चीज पत्रिका के रूप में होला जेकरा के साप्ताहिक पत्रिका कहल जाला।
आमतौर पर अखबार में राष्ट्रीय, अंतर्राष्ट्रीय आ लोकल स्तर के खबर; राजनीतिक बिस्लेषण, खेल जगत के खबर आ सिनेमा आ साहित्य से जुड़ल नया जानकारी छपे ला। लगभग सगरी प्रतिष्टित अखबारन में एक ठो पन्ना संपादकीय के भी होला आ आम-राय छापे के पन्ना भी होला जेकरा ऑप-ऍड पन्ना कहल जाला। दैनिक, यानि की रोज छपे वाला अखबार में साप्ताहिक रूप से अलग-अलग बिसय पर कुछ पन्ना के सप्लीमेंट भी छपे ला।
अखबार, पत्रकारिता के माध्यम के रूप में मीडिया के एक ठो प्रमुख अंग होला। ज्यादातर अखबार आजकाल बिजनेस बाड़ें जिनहन के आय के स्रोत बिक्री आ बिज्ञापन से बाटे। कुछ समाचार पत्र सरकारी फंडिंग वाला भी होलें (आंशिक भा पूरा तौर पर) जिनहन के जिंदा रहे खातिर कम मुश्किल हालत के सामना करे के पड़े ला। अखबार के चालू रहे आ लाभ में रहे खातिर कइल जाये वाला प्रयास के कारन अखबार के संपादकीय आजादी हमेशा केहू-न-केहू के इंटरेस्ट के बिसय रहे ला आ एही से ओह पर सवालिया निशान भी लगे ला।
अखबार अपना खबर खातिर खुद भी पत्रकार नियुक्त करे लें आ दूसरा समाचार एजेंसी सभ से भी खबर आ फोटो खरीदे लें।
साल 2005 के आसपास, पुरा दुनिया में रोज 6,580 अखबार छपें आ इनहन के 3950 लाख कॉपी बिके। बाद के समय में ऑनलाइन मीडिया के आगमन के बाद अखबारन के छपल संस्करण के बिक्री में गिरावट देखल गइल बाटे।
इहो देखल जाय
- पत्रिका
- अखबारन के लिस्ट
संदर्भ
बाहरी कड़ी
| अंग्रेजी विक्शनरी में newspaper खातिर देखीं। |
| विकिमीडिया कॉमंस पर संबंधित मीडिया Newspapers पर मौजूद बा। |
- NewsTornado – अखबार के सर्कुलेशन के बिस्वव्यापी नक्शा।
This article uses material from the Wikipedia भोजपुरी article अखबार, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.