महतारी
महतारी या माई कौनों बच्चा के जनम देवे वाली भा पाल-पोस के बड़ करे वाली औरत होले। ई कौनों जरूरी नइखे कि बच्चा ओह औरत के आपन खुद के जनमावल संतान होखे, हालाँकि आमतौर पर एह शब्द के इहे अरथ बूझल जाला। संदर्भ अनुसार, कौनों औरत संतान के जनम देवे के कारण, लालन-पालन करे के कारण या आधुनिक जमाना में संतान पैदा करे खातिर आपन अंडाणु दान करे के कारण या अइसने अउरी कौनों कारण से ओह संतान के महतारी हो सके ली।
.jpg)
खुद के अंडाणु आ गरभ से संतान के जनम देवे वाली माई के जनम देवे वाली महतारी कहल जाला। एकरे बिपरीत अंडाणु दान करे वाली महतारी खाली जीवबिज्ञान से हिसाब से महतारी होखे लीं; आ दुसरे जीविक महतारी-बाप के संतान के अपना गरभ में धारण भर क के पैदा करावे वाली महतारी "सरोगेट" कहाली। खाली लालन-पालन करे वाली महतारी के "मयभा महतारी" कहल जाला।
ऊपर बताव परिभाषा सभ के अलावा महतारी आ संतान के बीच के रिश्ता बहुत हद तक भावना आ मनोबिग्यानी स्थिति के चीज हवे। परिभाषा कौनों बैस्विक चीज नइखे आ जगह-जगह के समाज आ नैतिक मूल्य भी एह नातेदारी के अलग-अलग तरीका से परभावित करे लें। अइसने स्थिति बाप खातिर भी होला, जीवीय रूप से केहू कौनों बच्चा के बाप हो सकेला बाकी हो सकेला की बाप के जिम्मेदारी न निभावे।
औरत अगर गरभ से होखे त ई कहल जाला कि ऊ महतारी बने वाली बा।
संदर्भ
This article uses material from the Wikipedia भोजपुरी article महतारी, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.