बैटलग्राउंड्स मोबाइल इंडिया
बैटलग्राउंड्स मोबाइल इंडिया (Battlegrounds Mobile India) चाहे संछेप में बिग्मी (BGMI), जेकरा पहिले पबजी मोबाइल इंडिया (PUBG Mobile India) के नाँव जानल जात रहे, एगो ऑनलाइन मल्टीप्लेयर बैटल रोयाल गेम वीडियोगेम बाटे जे भारत खातिर क्राफ्टोन द्वारा प्रकाशित कइल गइल बाटे। ई गेम खास भारत के प्रयोगकर्ता लोगन खातिर बाटे।
| बैटलग्राउंड्स मोबाइल इंडिया | |
|---|---|
| डेवलपर | क्राफ्टोन |
| पब्लिशर | क्राफ्टोन |
| गेम इंजन | अनरियल इंजन 4 |
| प्लेटफार्म | एंड्रॉइड |
| रिलीज | 2 जुलाई 2021 (एंड्रॉइड) |
| जेनरे | बैटल गेम |
| मोड | मल्टीप्लेयर |
6 मई 2021 के गेम के घोषणा कइल गइल। एंड्रॉइड प्रयोगकर्ता लोग खातिर एह गेम के प्री-रजिस्ट्रेशन के शुरुआत 18 मई 2021 से भइल आ सुरुआती एक्सेस वाला बीटा वर्शन 17 जून 2021 के खाली एंड्रॉइड प्रयोगकर्ता लोगन खातिर रिलीज कइल गइल। गेम 2 जुलाई 2021 के एंड्रॉइड प्रयोगकर्ता लोगन खातिर रिलीज क दिहल गइल। हालाँकि, अइसन रपट बा कि क्राफ्टोन एकर आइओएस (iOS) वर्शन जल्दिये रिलीज करे वाला बाटे।
इतिहास
2 सितंबर 2020 के भारत सरकार के इलेक्ट्रानिक्स आ इन्फार्मेशन टेक्नालजी मंत्रालय भारत में पबजी मोबाइल के अउरी 117 गो चाइनीज एप सभ के ऊपर रोक लगा दिहलस। एकरा खातिर ई तर्क दिहल गइल की चाइनीज एप सभ अइसन काम में लागल बाड़ें जे भारत के संप्रभुता खातिर खतरा हो सके ला, पब्लिक ऑर्डर के नोकसान पहुँचावे वाला हो सके ला आ ई रोक इन्फार्मेशन टेक्नालजी एक्ट के धारा 69ए के तहत लगावल गइल। 2020 के नवंबर में कुछ अइसन खबर आइल की पबजी (PUBG) भारत खातिर नया नाँव पबजी मोबाइल इंडिया के नाँव से आवे वाला बाटे। 24 नवंबर 2020 के एगो समाचार दि टाइम्स ऑफ़ इंडिया में छपल जेह में ई रिपोट कइल गइल रहल कि पबजी कार्पोरेशन आ दक्खिन कोरियाई बीडियोगेम कंपनी क्राफ्टोन इंक. पबजी इंडिया प्राइवेट लि. के नाँव से रजिस्ट्रेशन करा रहल बाड़ीं जे भारत सरकार के कार्पोरेट मामिला के मंत्रालय के अधीन करावल जा रहल बा जवना से कि पबजी मोबाइल इंडिया के दोबारा लांच कइल जा सके।
मई 2021 में अइसन पता लागल की भारत के गेमिंग बजार में घुसे खातिर पबजी मोबाइल अपना के बैटलग्राउंड्स मोबाइल इंडिया के नाँव से री-ब्रांड क रहल बाटे। एकरे बाद, 7 मई 2021 के दि इंडियन एक्सप्रेस अखबार ई रिपोट कइलस की क्राफ्टोन एगो प्रेस रिलीज में ई कन्फर्म कइले बा की ऊ भारत में पबजी के नियन गेम बैटलग्राउंड्स मोबाइल इंडिया के नाँव से उतारे जा रहल बाटे।
डेटा प्राइवेसी के उलंघन मामिला
एकदम सुरुआती एंड्रॉइड प्रयोगकर्ता लोगन भइल रिलीज में, 21 जून 2021 के आइजीएन इंडिया (आइजीएन इंडिया) पहिली बेर ई रपट कइलस कि प्रयोगकर्ता लोगन के एंड्रॉइड डिवाइस सभ के डेटा चीन में मौजूद टेंसेंट के मलिकाई वाला सर्वर पर भेजल जा रहल बा। दि टाइम्स ऑफ़ इंडिया के रिपोट रहल कि एकरा पाछे एगो कारण ई हो सकेला की क्राफ्टोन प्रयोगकर्ता लोगन के दिसंबर 2021 तक ले खातिर ई एलाऊ क रहल बा कि लोग आपन पबजी वाला गेम डेटा के बीजीएमआइ (BGMI) पर ट्रांसफर क सकत बाटे।
एह डेटा सझियाई के उलंघन के रिपोट के बाद क्राफ्टोन एगो छोटहन इन-गेम अपडेट 22 जून 2021 के रिलीज कइलस जवना से की चीन में मौजूद सर्वर पर डेटा सझिया करे के समस्या के फिक्स कइल जा सके। हालाँकि, इहो रिपोट कइल गइल की गेम चीन में मौजूद सर्वर सभ के पिंग क सके ला अगर प्रयोगकर्ता आपन एप्लीकेशन डेटा डिलीट करे लोग।
रिलीज
6 मई 2021 के गेम के घोषणा कइल गइल। एंड्रॉइड प्रयोगकर्ता लोग खातिर एह गेम के प्री-रजिस्ट्रेशन के शुरुआत 18 मई 2021 से भइल आ सुरुआती एक्सेस वाला बीटा वर्शन 17 जून 2021 के खाली एंड्रॉइड प्रयोगकर्ता लोगन खातिर रिलीज कइल गइल। गेम 2 जुलाई 2021 के एंड्रॉइड प्रयोगकर्ता लोगन खातिर रिलीज क दिहल गइल। हालाँकि, अइसन रपट बा कि क्राफ्टोन एकर आइओएस (iOS) वर्शन जल्दिये रिलीज करे वाला बाटे।
इहो देखल जाय
संदर्भ
This article uses material from the Wikipedia भोजपुरी article बैटलग्राउंड्स मोबाइल इंडिया, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.