काजू के फेड़ (Anacardium occidentale) एक ठो गरम जलवायु वाला इलाका सभ में होखे वाला फेड़ हवे जवना से काजू (गरी भा मेवा) आ काजू के फर उपजावल जाला। ई फेड़ 14 मी (46 फीट) तक ले ऊँच हो सकेला, हालाँकि एकर बौना किसिम सभ जेवन लगभग 6 मी (20 फीट) के होलें, उपज के मात्रा आ जल्दी सुरुआत के कारन ढेर उपजावल जालें।
काजू | |
---|---|
Ripe cashew fruit | |
बैज्ञानिक वर्गीकरण | |
किंगडम: | प्लांटाई |
(बिना रैंक कइल): | एंजियोस्पर्म |
(बिना रैंक कइल): | यूडिकॉट्स |
(बिना रैंक कइल): | रोसाइड |
ऑर्डर (Order): | सैपिंडेल्स |
परिवार: | एनाकार्डियासिया |
जाति (Genus): | एनाकार्डियम |
प्रजाति: | A. occidentale |
दूपद नाँव | |
Anacardium occidentale लिंनायस |
काजू के मेवा, जेकरा के खाली काजू भी कहल जाला, बहुत ब्यापक रूप से भोजन-पकवान में इस्तेमाल कइल जाए वाला मेवा हवे। एकरा के सीधे भी खाइल जाला, पकवान में भी पड़े ला आ एकरा से चीज आ काजू-माखन भी बनावल जाला। काजू गरी के ऊपरी छिलका के भी कई तरह से इस्तेमाल होला, बिसेस रूप से लुब्रिकेंट आ पेंट बनावे में। काजू Archived 2019-12-18 at the Wayback Machine के फर, ललछाहूँ पीयर रंग के फर होला जेकरा गूदा से मिठाई से ले के शराब ले बनावल जाला।
मूल रूप से ई ब्राजील के प्रजाति हवे आ वर्तमान में एकर उत्पादन करे वाला देस सभ में वियतनाम, नाइजीरिया, भारत आ आइवरी कोस्ट प्रमुख बाने। भारत के कर्नाटक, महाराष्ट्र, गोवा, आंध्रप्रदेश आ उड़ीसा में एकर खेती होला। गोवा के प्रसिद्ध लोकल शराब "फेनी" काजुये से बने ले।
This article uses material from the Wikipedia भोजपुरी article काजू, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.