Луіс Эдуарда Пара Рывера (ісп.: Luis Eduardo Parra Rivero; нар.
7 ліпеня 1978) — венесуэльскі палітык, старшыня Нацыянальнай асамблеі Венесуэлы (з 2020 па 2021).
Луіс Пара | |||||||
---|---|---|---|---|---|---|---|
| |||||||
Нараджэнне | 7 ліпеня 1978 (45 гадоў) | ||||||
Імя пры нараджэнні | ісп.: Luis Eduardo Parra Rivero | ||||||
Партыя | |||||||
Дзейнасць | палітык | ||||||
Медыяфайлы на Вікісховішчы |
З-за палітычнага крызісу ў Венесуэле і двоеўладдзя, Пара знаходзіцца ў канфлікце з Хуанам Гуайдо з нагоды таго, хто з’яўляўся старшынёй парламента Венесуэлы на аснове галасавання 5 студзеня 2020 года.
Пара быў дэпутатам ад партыі «За справядлівасць».
У снежні 2019 года ён стаў фігурантам карупцыйнага скандалу ў праграме мясцовых камітэтаў па забеспячэнні і вытворчасці (CLAP) пры ўрадзе Нікаласа Мадура. Пара адхіліў абвінавачванні. Пасля таго, як расследаванне было апублікавана, ён, Хасэ Брыта, Конрад Перэс і Хасэ Грэгорыа Нар’ега былі пазбаўленыя дэпутацкіх месцаў і выключаны са сваіх партый.
5 студзеня 2020 года адбыліся выбары дэпутатаў венесуэльскай Нацыянальнай асамблеі. Падчас гэтага таксама вызначаўся старшыня асамблеі.
Пару, якому раней быў забаронены доступ у заканадаўчыя палаты, быў прадастаўлены дазвол абірацца, у той час як іншыя прадстаўнікі апазіцыі былі пазбаўлены права балатавацца. Да Пары далучыліся дэпутаты Нацыянальнай асамблеі, верныя Мадура. Было праведзена паспешлівае галасаванне, і ён быў абвешчаны старшынёй парламента. Апазіцыя паведаміла, што кворум не быў дасягнуты і галасы не былі падлічаныя. Паліцэйскія сілы заблакавалі доступ да парламента апазіцыянерам і СМІ. Асобнае пасяджэнне было праведзена за межамі будынка Нацыянальнай асамблеі, дзе 100 з 167 дэпутатаў пераабралі Хуана Гуайдо кіраўніком парламента.
Урад Нікаласа Мадура паведаміў, што 140 з 167 дэпутатаў Нацыянальнай асамблеі прагаласавалі за Пару. У публічным выступе Мадура абвясціў, што Пара быў прызначаны новым старшынёй Нацыянальнай асамблеі і што парламент падтрымаў гэтае рашэнне. Адносна незадаволенасці апазіцыі, якая спрабавала ўвайсці ў федэральны заканадаўчы орган, Мадура сказаў, што «калі Гуайдо не захацеў увайсці ў яго, гэта таму, што ў яго не было галасоў», адзначыўшы, што самаабвешчанаму лідару Венесуэлы і яго прыхільнікам было забаронена вылучацца ў дэпутаты. Калі рэпарцёры пыталі Пару аб афіцыйным падліку галасоў, ён сказаў, што інфармацыя па ім «недаступная» і не абвешчаная дата яго апублікавання.
This article uses material from the Wikipedia Беларуская article Луіс Пара, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.