Канстанцін Браніслававіч Каліноўскі: савецкі ваенны дзеяч
Канстанцін Браніслававіч Каліноўскі (1 (13) кастрычніка 1897, Смаленск — 12 ліпеня 1931, Маскоўская вобласць) — савецкі ваенны дзеяч.
| Канстанцін Браніслававіч Каліноўскі | |
|---|---|
 | |
| Дата нараджэння | 1 (13) кастрычніка 1897 |
| Месца нараджэння | |
| Дата смерці | 12 ліпеня 1931 (33 гады) |
| Месца смерці | |
| Альма-матар | |
| Грамадзянства |
|
| Бітвы/войны | |
| Узнагароды і званні |  |
 Медыяфайлы на Вікісховішчы | |
.svg){kind=small}
.svg){kind=small}
Біяграфія
Нарадзіўся ў шляхецкай сям’і афіцэра Рускай імператарскай арміі, выхоўваўся ў сваякоў у Маскве. Скончыў 2-ю Маскоўскую гімназію. Падчас Першай сусветнай вайны служыў добраахвотнікам як вальнапісаны ў 4-м артылерыйскім дывізіёне.
У чэрвені 1918 года ў складзе дывізіёна перайшоў на бок бальшавікоў. У студзені 1919 года вызначыўся ў баях пад Шэнкурскам. Летам 1919 года адкамандзіраваны ў Вышэйшую аўтабранявую школу ў Маскву, скончыў яе 17.11.1919 года, прызначаны камандзірам бронецягніка № 8. Член РКП(б) з 1920 года. Удзельнічаў у баях на Паўднёвым фронце. Вызначыўся ў польска-савецкай вайне — баях пад Зябкамі, Гайнаўкай, у час адступлення ад Варшавы. Пэўны час служыў на Паўночным Каўказе, з зімы 1921 да 1922 года — інспектар Упраўлення бронечасцей Каўказскай арміі. У 1925 годзе скончыў Ваенную акадэмію РСЧА. У 1926—1927 гадах, пад псеўданімам Кардэ, ваенны саветнік Калганскай групы па бронецягніках у Кітаі. З 1929 года інспектар бранясіл і намеснік начальніка Упраўлення механізацыі і матарызацыі РСЧА, з 2-й паловы 1929 да мая 1930 — камандзір зводнага вопытнага механізаванага палка (вылучаны з 3-га атп) Маскоўскай ваеннай акругі, з мая 1930 — камандзір вопытнай асобнай механізаванай брыгады, з лютага 1931 — начальнік Упраўлення механізацыі і матарызацыі.
Ведаў тры еўрапейскія мовы, сачыў за сусветнымі ваенна-тэхнічнымі дасягненнямі. Аўтар кнігі «Танкі» (1924) і шэрагу артыкулаў, якімі заклаў асновы тэорыі арганізацыі і баявога прымянення савецкіх бранятанкавых войскаў. Член рэдкалегіі часопіса «Тэхніка і забеспячэнне Чырвонай Арміі». Разам з намеснікам начальніка Штаба РСЧА Уладзімірам Трыандафілавым распрацаваў тэорыю наступлення сучасных армій у сучаснай вайне. Апошняя праца К. Б. Каліноўскага — Інструкцыя па баявым прымяненні танкаў, на аснове якой планавалася распрацаваць Статуты бранятанкавых войскаў РСЧА, засталася няскончанай.
Загінуў у авіяцыйнай катастрофе пад Нара-Фамінскам 12 ліпеня 1931 года.
У маі 1932 года на аснове вопытнай асобнай механізаванай брыгады сфарміравана 1-я механізаваная брыгада імя таварыша Каліноўскага, звернутая ў маі 1934 года на фарміраванне 5-га механізаванага корпуса імя К. Б. Каліноўскага, які існаваў да ператварэнняў структуры мехкарпусоў РСЧА ў жніўні 1938 года.
Узнагароды
- Ордэн Чырвонага Сцяга (1920) за баі пад Шэнкурскам у студзені 1919 года
- Ордэн Чырвонага Сцяга (1921) за баі польска-савецкай вайны 1919—1921 гадоў
Зноскі
Літаратура
- Беларуская ССР : кароткая энцыклапедыя : у 5 т. — Мінск, 1981. — Т. 5. — С. 268, 275.
- Каліноўскі Канстанцін Браніслававіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 470. — 10 000 экз. — ISBN 985-11-0035-8. — ISBN 985-11-0130-3 (т. 7).
- История танковых войск Советской Армии / Под. ред. О. А. Лосика. В 3-х томах. — М.: ВАБТВ, 1975. (руск.)
- Миронов Г. Константин Калиновский (очерк) // Герои гражданской войны / Составитель: Т. К. Гладков. — М.: Молодая гвардия, 1963. — С. 480-502. (руск.)
- Свирин М. Танковая мощь СССР. В 3-х томах. — М.: Эксмо, Яуза, 2008. — ISBN 978-5-699-31700-4. (руск.)
- Третьяк С. Станция Зябки, год 1920-й: первый бой советских танкистов // Армия № 2, 2008. — С. 50—52. (руск.)
- Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1997. — С. 31. — 10 000 экз. — ISBN 985-11-0041-2.
This article uses material from the Wikipedia Беларуская article Канстанцін Браніслававіч Каліноўскі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.