Raspberry Pi

Пазней атрымаў нашмат болей шырокае ўжыванне і папулярнасць, чым чакалі яго аўтары. Выпускаецца ў трох версіях: «A» (256 Мб АЗП), коштам $ 25, «B» ($ 35, з ethernet, 512 Мб АЗП) і «B+» (ужо 1 Гб памяці, 1ГГц 4-ядравы працэсар). Распрацоўваецца Raspberry Pi Foundation.

Raspberry Pi
Канфігурацыя
Апаратная платформа	ARM11 [ARMv6]
АС	Raspberry Pi OS (Debian), Fedora, Arch Linux, Gentoo, RISC OS, Android, Firefox OS, NetBSD, FreeBSD, Slackware, Tiny Core Linux
Кошт	$ 25 (мадэль A), $ 35 (мадэль B і B+)
Тып	аднаплатны камп'ютар
Форм-фактар	нестандартны
Распрацоўнік	Raspberry Pi Foundation
Дзяржава
Год выпуску	2012
Аператыўная памяць	256 (Model A), 512 (Model B), 1024 (Model B+)Мб, інтэгравана ў CPU (частка рэзервавана відэакарткай)
Пастаянная памяць	флэш картка MMC
Аўдыё падсістэма	інтэгравана ў CPU
Электрасілкаванне	microUSB, 5В, не менш за 700 мА
Перыферыя	у камплекце адсутнічае
Інтэрфейсы	HDMI, USB, відэа RCA, Stereo Jack 3.5 мм, Ethernet, UART, GPIO[en], JTAG, SPI, I2C, DSI, CSI
Запамінальная прылада	карка памяці SD, MMC, microSD (у мадэлі B+)
Вага	45 г
Памер	85,6 × 53,98×17 мм
Цэнтральны працэсар
Распрацоўшчык CPU	Broadcom
Мадэль CPU	BCM2835
Тактавая частата CPU	700 МГц («разагнаны» да 1ГГц)
Відэа падсістэма
Распрацоўшчык GPU	Broadcom
Мадэль GPU	VideoCore IV

У траўні 2011 года Дэвід Брэбэн прэзентаваў першы канцэпт Raspberry Pi памерам з USB-флэш-носьбіт.

У канцы ліпеня 2011 года была закончана і адпраўлена ў вытворчасць альфа-версія платы, а ўжо 12 жніўня Raspberry Pi Foundation атрымаў першую партыю прылад. Альфа-версія камп'ютара мела некаторыя тэставыя функцыі і дарагія дэталі, якія прыбралі з фінальнай версіі. Таксама канечная версія на 20 % менш і складаецца з чатырох пластоў, а не з шасці.

10 студзеня 2012 года кампанія аб'явіла аб пачатку вытворчасці першай партыі з 10 тысяч плат мадэлі «B».

29 лютага 2012 года пачаўся продаж плат мадэлі «B».

16 ліпеня 2012 года распрацоўшчыкі праекта паведамілі аб скасаванні абмежаванняў на замову прылад Raspberry Pi «B».

14 снежня 2012 года Raspberry Pi «A» запушчаны ў вытворчасць.

Камп'ютар распаўсюджваецца цалкам сабраным на чатырохпластовай друкаванай плаце памерам з банкаўскую картку. Корпус у камплект пастаўкі не ўваходзіць. Можна замовіць як корпус асобна, так і прыладу з корпусам і без яго.

Raspberry Pi выпускаецца у дзвюх варыяцыях: мадэль «A» і мадэль «B». Першыя дзве версіі абсталяваны ARM11 працэсарам Broadcom BCM2835 з тактавай частатой 700 МГц і модулем аператыўнай памяці на 256МБ/512МБ, змешчаным тэхналогіяй «Package_on_package» непасрэдна на працэсары. Мадэль «B+» абсталявана чатырохядравым працэсарам ARM Cortex-A7 з частатой 900 МГц. Мадэль «A» абсталявана адным USB 2.0 портам, мадэль «B» — двума, у мадэлі «B+» іх чатыры. Таксама пачынаючы з мадэлі «B» прысутнічае порт Ethernet. Акрамя асноўнага ядра, BCM2835 змяшчае графічнае ядро з падтрымкай OpenGL ES 2.0, апаратнага паскарэння і FullHD-відэа і DSP-ядро. Адной з асаблівасцяў з'яўляецца адсутнасць гадзінніка рэальнага часу.

Вывад відэасігналу магчыма праз кампазітны раздым RCA альбо праз лічбавы HDMI-інтэрфейс. У мадэлі «B+» вывад аналагавага відэа і аўдыё сумашчаны ў чатырохвывадны 3.5мм TRRS раздым. Каранёвая файлавая сістэма, вобраз ядра і файлы карыстальніка змяшчаюцца на картцы памяці SD, MMC альбо SDIO.

Праграмнае забеспячэнне

Raspberry Pi працуе пад кіраваннем Windows CE альбо свабодных аперацыйных сістэм Debian, Fedora, Gentoo, Arch Linux, RISC OS, AROS ці FreeBSD. Акрамя таго, у базавую пастаўку ўключаны браўзер Iceweasel, офісны пакет KOffice і інтэрпрэтатар мовы Python. Таксама распрацавана АС Raspberry Pi OS, заснаваная на Debian і аптымізаваная пад Raspberry Pi. Аперацыйная сістэма для пэнтэсту Kali Linux, таксама існуе ў версіі для ARM, у прыватнасці, на афіцыйным сайце даступна версія для Raspberry Pi. Для мадэлі B+ заяўлена падтрымка Windows 10.

• 27 кастрычніка 2011 года Raspberry Pi стаў пераможцам у намінацыі «Hardware Design» на ARM TechCon 2011