Сэр Эндру Джон Уайлс (англ.: Sir Andrew John Wiles, нар.
11 красавіка 1953 года, Кембрыдж, Вялікабрытанія, рыцар-камандор Ордэна Брытанскай Імперыі з 2000) — англійскі і амерыканскі матэматык, прафесар матэматыкі Прынстанскага ўніверсітэта, загадчык кафедры матэматыкі, член навуковага савета Інстытута матэматыкі Клэя. Атрымаў навуковую ступень бакалаўра ў 1974 годзе ў каледжы Мёртан Оксфардскага ўніверсітэта. Навуковую кар’еру пачаў летам 1975 пад кіраўніцтвам прафесара Джона Коўтса ў каледжы Клэр Кембрыджскага ўніверсітэта, дзе і атрымаў ступень доктара. У перыяд з 1977 па 1980 Уайлс займаў пасады малодшага навуковага супрацоўніка ў каледжы Клэр і дацэнта ў Гарвардскім універсітэце. Сумесна з Джонам Коўтсам ён працаваў над арыфметыкай эліптычных крывых з комплексным памнажэннем метадамі тэорыі Івасавы. У 1982 годзе Уайлс пераехаў з Вялікабрытаніі ў ЗША.
Эндру Джон Уайлс | |
---|---|
англ.: Sir Andrew John Wiles | |
Дата нараджэння | 11 красавіка 1953[…] (71 год) |
Месца нараджэння | |
Грамадзянства | |
Бацька | Maurice Wiles[d] |
Маці | Paddy Mowll[d] |
Род дзейнасці | матэматык, выкладчык універсітэта |
Навуковая сфера | тэорыя лікаў |
Месца працы | |
Навуковае званне | |
Альма-матар | |
Навуковы кіраўнік | John H Coates[d] |
Вядомыя вучні | Манджул Бхаргава |
Вядомы як | матэматык, які даказаў Вялікую тэарэму Ферма |
Член у | |
Узнагароды | прэмія Уайтхеда[d] (1988) член Лонданскага каралеўскага таварыства[d] (1989) прэмія Ферма (1995) прэмія Астроўскага[d] (1996) Каралеўскі медаль[d] (1996) Прэмія Вольфа па матэматыцы (1996) стыпендыя Мак-Артура (1997) прэмія Коўла[d] (1997) прэмія Шаа[d] (2005) Абелеўская прэмія (2016) медаль дэ Моргана[d] (2019) |
Цытаты ў Вікіцытатніку | |
Медыяфайлы на Вікісховішчы |
Адной з галоўных падзей у яго кар’еры стаў доказ Вялікай тэарэмы Ферма і выяўленне тэхнічнага метаду, які дазволіў скончыць доказ з дапамогай яго былога аспіранта, Рычарда Тэйлара, у 1994 годзе. Працаваць над тэарэмай Ферма ён пачаў летам 1986 года пасля таго, як Кен Рыбет даказаў гіпотэзу аб сувязі паўстабільных эліптычных крывых (асобнага выпадку тэарэмы Таніямы — Сімуры) з тэарэмай Ферма. Асноўная ідэя аб такой сувязі належыць нямецкаму матэматыку Герхарду Фраю.
This article uses material from the Wikipedia Беларуская article Эндру Джон Уайлс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.