Святлана Міхайлаўна Лясовіч
Святлана Міхайлаўна Лясовіч (нар.
у 1979 годзе ў Наваполацку) — беларускі філолаг, мовазнавец, педагог, кандыдат філалагічных навук, дацэнт.
| Святлана Міхайлаўна Лясовіч | |
|---|---|
 | |
| Дата нараджэння | 1979 |
| Месца нараджэння | |
| Грамадзянства |  Беларусь |
| Род дзейнасці | вучоная, выкладчыца ўніверсітэта |
| Навуковая сфера | філалогія, мовазнаўства |
| Месца працы | |
| Навуковая ступень | кандыдат філалагічных навук |
| Навуковае званне | дацэнт |
| Альма-матар | |
| Навуковы кіраўнік | Юрый Міхайлавіч Бабіч |
Біяграфічныя звесткі
Скончыла ў 2002 годзе Віцебскі дзяржаўны ўніверсітэт імя П. М. Машэрава па спецыяльнасці «Беларуская мова і літаратура, сусветная і айчынная культура». У 2002-2005 гадах навучалася ў аспірантуры гэтай жа ВНУ па спецыяльнасці «Беларуская мова».
Дысертацыю на саісканне вучонай ступені кандыдата філалагічных навук па спецыяльнасцям «Беларуская мова» абараніла 19 снежня 2006 года ў Беларускім дзяржаўным універсітэце. Тэма кандыдацкай дысертацыі: «Сістэма колераабазначэння ў мове твораў Уладзіміра Караткевіча: структурна-семантычны, функцыянальны і кагнітыўны аспекты». Навуковы кіраўнік - Юрый Міхайлавіч Бабіч.
У 2010 годзе Прэзідыум Вышэйшай атэстацыйнай камісіі Рэспублікі Беларусь прысвоіў ёй навуковае званне дацэнта па спецыяльнасці «Мовазнаўства».
З 2003 па 2023 год працавала ў Полацкім дзяржаўным універсітэце. З'яўлялася выкладчыкам і старэйшым выкладчыкам кафедры сусветнай літаратуры і культуралогіі гісторыка-філалагічнага факультэта. З 2019 па 2023 год працавала на пасадзе загадчыка кафедры славянскай філалогіі гуманітарнага факультэта Полацкага дзяржаўнага ўніверсітэта. Звольнена з універсітэта па палітычных матывах у 2023 годзе.
Навуковая дзейнасць
Асноўныя навуковыя даследаванні прысвечаны пытанням аналізу мастацкага тэксту, лексікалогіі і лінгвакультуралогіі, кангітыўнай лінгвістыкі і г.д. Сярод іншага, вывучае літаратурную спадчыну і мову твораў Уладзіміра Караткевіча, Максіма Багдановіча, Сяргея Панізніка і інш.
Узнагароды
- Памятны знак Полацкага дзяржаўнага ўніверсітэта «За ўнёсак у патрыятычнае выхаванне моладзі» (2012)
- Прэмія Віцебскага абласнога выканаўчага камітэта таленавітым маладым навукоўцам (2010)
Спасылкі
This article uses material from the Wikipedia Беларуская article Святлана Міхайлаўна Лясовіч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.