Прастора: старонка неадназначнасці ў праекце Вікімедыя
Прасто́ра — адно з фундаментальных паняццяў філасофіі, а таксама матэматыкі і фізікі.
Прастора — гэта тое, дзе знаходзяцца ўсе аб’екты матэрыяльнага свету. Прастора і матэрыя цесна звязаныя: па-за прастораю матэрыя існаваць не можа, і наадварот, усё, што знаходзіцца ў прасторы, ёсць матэрыя. Такім чынам, прастору можна ўявіць сабе як універсальнае месціва, уяўную «скрыню», што змяшчае ў сабе ўсю матэрыю, увесь Сусвет.
Класічная фізіка надзяляе прастору наступнымі характарыстыкамі:
- трохмернасць - прастора мае тры вымярэнні; палажэнне абъекта ў кожным з іх можна вызначыць адным лікам (каардынатаю)
- непарыўнасць - між любымі дзвюма пунктамі прасторы існуе бясконцае мноства іншых пунктаў. Інакш кажучы, у прасторы не існуе якой-небудзь фіксаванай мінімальнай адлегласці між пунктамі. З гэтага вынікае, што каардынаты кропак прасторы з’яўляюцца сапраўднымі лікамі
- аднароднасць - усе пункты прасторы аднолькавыя, прастора не мае цэнтру (ці цэнтраў). З гэтага вынікае, што палажэнне аб’екта ў прасторы можна вымерыць толькі адносна іншага аб’екта
- ізатропнасць - усе напрамкі прасторы аднолькавыя, прастора не мае «абсалютнай вертыкалі» ці «гарызанталі»
З апошніх двух характарыстык вынікае бясконцасць прасторы па ўсіх вымярэннях.
Такое ўяўленне аб прасторы адпавядае паняццю трохмернай еўклідавай прасторы і таму прастора ў класічнай фізіцы апісваецца паняццямі еўклідавай геаметрыі.
Гл. таксама
This article uses material from the Wikipedia Беларуская article Прастора, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.