Нашвіл

Сталіца штата Тэнесі. Заснаваны ў 1779 годзе. Насельніцтва 626 681 (2010). Вузел чыгунак і аўтадарог. Порт на рацэ Камберленд (басейн ракі Місісіпі). Аэрапорт. Гандлёва-фінансавы цэнтр.

Горад Нашвіл англ.: Nashville Сцяг[d] Краіна  ЗША Штат Тэнесі Акруга Дэйвідсан Каардынаты HGЯO Мэр Карл Дзін Заснаваны 1779 Горад з 1806 Плошча 1362,5 км² Вышыня цэнтра 182 м Тып клімату субтрапічны акіянічны Водныя аб’екты Рака Камберленд Насельніцтва 626 681 чалавек (2010) Шчыльнасць 460 чал./км² Агламерацыя 1 589 934 чалавек Этнахаронім Nashvillian Часавы пояс UTC-6, летам UTC-5 Тэлефонны код +1 615 Паштовы індэкс 37201–37250 Афіцыйны сайт nashville.gov (англ.) Нашвіл на карце ЗША

Медыяфайлы на Вікісховішчы

Да белай каланізацыі тэрыторыю Тэнэсі засялялі паляўнічыя плямёны чэрокі, чыкаса і шаўні, спадчыннікі Місісіпскай культуры, якая прыйшла ў заняпад і дэградавала. Першым еўрапейцам, які наведаў гэтыя землі, быў іспанскі даследчык Эрнанда дэ Сота ў 1540 годзе. Іспанцы абвясцілі раён часткай сваіх каланіяльных уладанняў, але не сталі засноўваць паселішчаў з прычыны агрэсіўнасці тубыльцаў. У XVII—XVIII стст. тэрыторыю наведвалі гандляры пушнінай з Новай Францыі, якія заснавалі некалькі гандлёвых пастоў. Пасля разгрому Новай Францыі падчас Сямігадовай вайны раён перайшоў пад кантроль англічан.

Горад быў заснаваны ў 1779 годзе выхадцамі з Вірджыніі і названы ў гонар Фрэнсіса Нэша, амерыканскага генерала, які ўдзельнічаў у Вайне за незалежнасць. Нашвіл хутка рос дзякуючы выгоднаму геаграфічнаму становішчу і наяўнасці зручнага рачнога порта. У 1806 годзе быў прыняты Статут горада, і ў тым жа годзе Нашвіл стаў адміністрацыйным цэнтрам акругі Дэвідсан. У 1843 годзе горад стаў пастаяннай сталіцай штата Тэнесі.

Да моманту пачатку Грамадзянскай вайны ў ЗША Нашвіл быў квітнеючым горадам, буйным рачным портам і важным чыгуначным вузлом Канфедэрацыі. Стратэгічнае значэнне Нашвіла зрабіла яго адной з першачарговых мэт для наступу паўночнікаў, і ў лютым 1862 года Нашвіл стаў першай сталіцай паўднёвых штатаў, захопленай праціўнікам. 15-16 снежня 1864 г. пад Нашвілам адбылася апошняя буйная бітва на Заходнім тэатры баявых дзеянняў. Армія паўночнікаў пад камандаваннем генерала Джорджа Томаса разграміла армію паўднёўцаў генерала Джона Худа.

Горад хутка аднавіўся ад наступстваў грамадзянскай вайны, не ў апошнюю чаргу дзякуючы таму, што ў Тэнесі, адзіным з паўднёвых штатаў, не была прызначана ваенная акупацыйная адміністрацыя. Дабрабыт апошняй траціны XIX стагоддзя даў Нашвілу мноства прыгожых будынкаў класічнага стылю, многія з якіх дагэтуль можна ўбачыць паблізу ад дзелавога цэнтра горада.

Сутыкнуўшыся са звычайнымі для Амерыкі таго часу праблемамі ў 1960-1980-х гг. (дэіндустрыялізацыя, уцёкі белых, заняпад цэнтральных раёнаў і ўтварэнне негрыцянскіх гета), Нашвіл перажыў трэці ў сваёй гісторыі эканамічны бум у 1990-х, тады ж была паспяхова рэалізавана амбіцыйная праграма па ажыўленні цэнтра горада.

Нашвіл знаходзіцца ў зоне субтрапічнага акіянічнага клімату, з тыповымі для даных раёнаў гарачым і дажджлівым летам, халаднаватай і вільготнай зімой, мяккімі ўвесну і ўвосень.

Горад перыядычна падвяргаецца ўздзеянню тарнада, але сур'ёзную шкоду яны наносяць вельмі рэдка.

Прамысловасць: харчовая, гарбарна-абутковая, хімічная, аўтамабільная, шынная, шкляная, электра-тэхнічная, радыёэлектронная. Буйны цэнтр гуказапісваючай вытворчасці.

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

•   На Вікісховішчы ёсць медыяфайлы па тэме Нашвіл