Музей Старажытнабеларускай Культуры

Заснаваны ў 1977 г. у Мінску, адкрыты 15 мая 1979 г. як цэнтр вывучэння і прапаганды беларускай мастацкай спадчыны.

Музей старажытнабеларускай культуры
Заснаваны	1977
Месцазнаходжанне	Мінск, Сурганава 1, к. 2
nasb.gov.by/bel/organiza…
Медыяфайлы на Вікісховішчы

 

 

Агульная плошча 1200 м², плошча экспазіцыі 600 м². Больш за 17 тыс. экспанатаў (2000 г.), у т.л. 600 твораў іканапісу і жывапісу, 4,5 тыс. дэкаратыўна-прыкладнога мастацтва, 170 скульптур, і тысяча узораў народнага ткацтва. Экспазіцыя мае раздзелы археалогіі (знаходкі з раскопак гарадоў і інш. археалагічных помнікаў Беларусі), мастацтва (абразы XVI—XVIII стст., скульптура XVI—XIX стст., слуцкія паясы і інш. тканіны XVIII ст., старадрукі і кніжная гравюра XVI—XVIII ст., разьба, мастацкія вырабы з металу), этнаграфіі (ткацтва, народныя касцюмы канца XIX — пачатак XX ст., кераміка, народныя музыкальныя інструменты, прылады працы, хатняе начынне, вырабы з саломкі і інш.). Асобны раздзел прысвечаны помнікам этнаграфіі і народнага мастацтва чарнобыльскай зоны.

Мае навуковую лабараторыю, вядзе выставачную дзейнасць.

• Шматаў, В. Ф., Ярашэвіч, А.А Музей старажытнабеларускай культуры / В. Ф. Шматаў, А. А. Ярашэвіч // Беларуская энцыклапедыя: У 18 тамах / Беларуская энцыклапедыя; Рэдкалегія: Г. П. Пашкоў (галоўны рэдактар) [і інш.]. Том 11: Мугір — паліклініка. — Мн.: Беларуская энцыклапедыя, 2000. — С. 13.

	Музей старажытнабеларускай культуры на Вікісховішчы

• Музей старажытнабеларускай культуры на сайце НАН Беларусі