Музыка Метал

Гэта артыкул аб музыкальным жанры; аб класе хімічных элементаў гл. Металы

Карані жанру сыходзяць з блюз-рока і псіхадэлічнага рока. Гурты, якія выконваюць метал, распрацоўваюць масіўнае гучанне, якое характарызуецца ўзмоцненым скажэннем, працяглымі гітарнымі сола, выразнымі барабаннымі партыямі і гучнасцю. Песні і манера выканання метала часта асацыююцца з мужнасцю і агрэсіяй.

Метал
Кірунак:	Рок
Вытокі:	Псіхадэлічны рок Прагрэсіўны рок Блюз Джаз Класічная музыка Этнічная музыка
Месца і час узнікнення:	Пачатак 1970-х, Вялікабрытанія
Папулярнасць:	1980-я
Разнавіднасці
Паджанры:	Авангард-метал Блэк-метал Вікінг-метал Глэм-метал Готык-метал Груў-метал Дарк-метал Дум-метал Дэт-метал Кельтык-метал Мат-метал Неакласічны метал Пауэр-метал Пейган-метал Пост-метал Прагрэсіў-метал Сімфонік-метал Сладж-метал Спід-метал Стоўнер-метал Трэш-метал Фолк-метал Хэві-метал
Роднасныя:	Альтэрнатыўны рок Гранж Авангард-рок
Вытворныя:	Альтэрнатыўны метал Індастрыял-метал Металкор Ню-метал Хрысціянскі метал Фанк-метал Рэп-метал

Хэві-мэтал групамі «першай хвалі» лічаць Led Zeppelin, Black Sabbath, Deep Purple.

У сярэдзіне 70-х, гурт Judas Priest паспрыяў развіцьцю жанру, пазбавіўшы метал блюзавай састаўляючай; Motörhead прыўнеслі ў яго элемэнты панк-рока і падвысілі агульную хуткасць кампазыцый.

Пад канец 1970-х жанр стаўся вельмі папулярным у свеце і ягоных шматлікіх прыхільнікаў пачалі называць «мэталхэды» ці «headbangers».

У 1980-я гады з'явіўся паджанр, вядомы як глэм-метал. Ён атрымаў вялікую камэрцыйную папулярнасьць. У гэтыя ж часы ў музычным «падпольлі» зьявіліся больш агрэсіўныя і «жорсткія» паджанры: трэш-метал (набыў папулярнасьць дзякуючы гурту Metallica), дэз-метал, блэк-метал (яшчэ доўга заставаліся «падпольнымі» жанрамі).

З сярэдзіны 1990-х камэрцыйную папулярнасьць набывае паджанр ню-метал, які сумяшчае ў сабе элемэнты металу з фанкам і хіп-хопам. З'яўляецца таксама і металкор, што сумяшчае метал з хардкорным панкам.