Менструацыя (ад лац.: mensis — месяц), месячныя або рэгулы — частка менструальнага цыкла жаночага арганізма, адрыньванне функцыянальнага пласта эндаметрыя (слізістай абалонкі маткі), якое суправаджаецца крывацёкам.
Ад першага дня менструацыі пачынаецца адлік менструальнага цыкла. Тое, што менструальная кроў не згортваецца і мае больш цёмны колер, чым кроў, якая цыркулюе ў сасудах — гэта норма. Гэта тлумачыцца прысутнасцю ў менструальнай крыві набору ферментаў.
Менструацыя звычайна адбываецца кожны месяц, але маюцца і нестандартныя тэрміны менструацыі. Да палавога паспявання, у перыяд цяжарнасці і адразу пасля родаў, у менапаўзе менструацыя адсутнічае. Вылучэнні адразу пасля родаў называюцца лохіі і працягваюцца некалькі тыдняў. Часам падчас кармлення грудзьмі менструацыя можа адсутнічаць нейкі час і на гэтым адсутнасці менструацыі пабудаваны такі метад засцярогі ад цяжарнасці як метад лактацыённай аменарэі. Першае з’яўленне менструацыі (менархе) у жанчыны адбываецца ў 12-14 гадоў (у сярэднім; з роскідам ад 9-11 да 19-20 гадоў). Пасля першай менструацыі наступная можа быць праз 2 або 3 месяцы. З часам менструальны цыкл ўсталёўваецца і працягваецца 28 дзён, але працягласць цыкла ад 21 да 35 дзён таксама з’яўляецца нармальнай. Толькі ў 13 % усіх жанчын цыкл складае роўна 28 дзён. Менструацыя доўжыцца прыкладна 2-8 дзён.
This article uses material from the Wikipedia Беларуская article Менструацыя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.