Клаўдзія Герасімаўна Васіна (укр.: Клавдія Герасимівна Васіна, 28 верасня 1909, Санкт-Пецярбург — 3 лістапада 1993, Адэса) — украінская артыстка балета, балетмайстар, педагог.
Клаўдзія Герасімаўна Васіна | |
---|---|
Дата нараджэння | 15 (28) верасня 1909 |
Месца нараджэння | |
Дата смерці | 3 лістапада 1993 (84 гады) |
Месца смерці | |
Грамадзянства | |
Адукацыя | |
Прафесія | балерына, балетмайстар, настаўніца |
Клаўдзія Васіна нарадзілася 15 (28) верасня 1909 года ў горадзе Санкт-Пецярбург.
У 1926 годзе скончыла Ленінградскае харэаграфічнае вучылішча (клас Агрыпіны Ваганавай).
У 1926—1931 гадах — артыстка Харкаўскага тэатра оперы і балета, у 1932—1941 гадах — Кіеўскага тэатра оперы і балета імя Тараса Шаўчэнкі. Была вядучым выкладчыкам балетнай школы пры тэатры і ў Кіеўскім харэаграфічным вучылішчы.
Падчас вайны выступала ў складзе трупы эвакуіраванага ў Кіргізскую ССР Тэатра музычнай камедыі імя Сталіна. У 1943—1945 гадах была галоўным балетмайстрам і педагогам-рэпетытарам Сталінскага тэатра оперы і балета, дзе ў 1945 годзе паставіла сцэну «Вальпургіева ноч» з оперы «Фаўст» Ш. Гуно і балета «Шчаўкунок» П. Чайкоўскага, а таксама заснавала харэаграфічную школу.
З 1945 года была педагогам-рэпетытарам Львоўскага тэатра оперы і балета імя Івана Франко, адначасова са жніўня 1957 года па жнівень 1960 года была першым дырэктарам Львоўскай дзіцячай харэаграфічнай школы .
З 1960 па 1973 гады была педагогам-рэпетытарам Адэскага тэатра оперы і балета, дзе паставіла танцы ў операх «Барыс Гадуноў» М. Мусаргскага і «Рыгалета» Дж. Вердзі. Яе вучаніцамі былі Алена Гарчакова, Наталля Слабадзян і іншыя.
Памерла 3 лістапада 1993 года ў Адэсе.
Сярод яе вядомых партый — Любіна («Пан Канёўскі » М. Верыкаўскага ), Адэта-Адылія («Лебядзінае возера» П. Чайкоўскага), Эсмеральда («Эсмеральда» Ц. Пуні), Медора («Карсар» А. Адана), Ніна («Маскарад» Э. Аванесяна паводле А. Хачатурана), П’ерэта («Горад з Тасканы» У. Нахабіна ).
This article uses material from the Wikipedia Беларуская article Клаўдзія Герасімаўна Васіна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.