Зборная В’етнама па футболе — нацыянальная зборная, якая прадстаўляе В’етнам на міжнароднай футбольнай арэне.
Кіраўніцтва камандай ажыццяўляе Федэрацыя футбола В’етнама.
В’етнам | |||
---|---|---|---|
Канфедэрацыя | АФК (Азія) | ||
Федэрацыя | Федэрацыя футбола В’етнама | ||
Галоўны трэнер | Пак Хан Со | ||
Капітан | Куе Нгок Хай | ||
Найбольшая колькасць гульняў | Ле Конг Вінь (83) | ||
Найлепшы бамбардзір | Ле Конг Вінь (51) | ||
Хатні стадыён | Нацыянальны стадыён Мі Дынь | ||
Код ФІФА | VIE | ||
| |||
Рэйтынг ФІФА | |||
Дзеючы | 125 ▼4 (23 лістапада 2017) | ||
Найвышэйшы | 84 (снежань 1998) | ||
Найніжэйшы | 172 (снежань 2006) | ||
Першая гульня | |||
Філіпіны 2:2 В’етнам (Маніла, Філіпіны; 26 лістапада 1991) | |||
Самая буйная перамога | |||
В’етнам 11:0 Гуам (Хашымін, В’етнам; 23 студзеня 2000) | |||
Самае буйное паражэнне | |||
Зімбабвэ 6:0 В’етнам (Куала-Лумпур, Малайзія; 26 лютага 1997) Аман 6:0 В’етнам (Інчхон, Паўднёвая Карэя; 29 верасня 2003) | |||
Кубак Азіі | |||
Колькасць удзелаў | 2 (Упершыню 2007) | ||
Найлепшы вынік | Чвэрцьфінал (2007, 2019) |
У 1950—1970-х гадах існавала зборная Паўднёвага В’етнама. Яна ўдзельнічала ў кваліфікацыйных турнірах чэмпіянатаў свету і Азіі ў 1956 і 1960 гадах, прабівалася ў чацвёрку найлепшых каманд кантынента. Зборная Паўночнага В’етнама, якая дэбютавала ў 1956 годзе, па палітычных прычынах у міжнародных турнірах не гуляла і ўдзельнічала толькі ў таварыскіх матчах з камандамі з іншых сацыялістычных краін. Зборная аб’яднанага В’етнама правяла свой першы матч ў 1991 годзе, а з 1993 года яна ўключылася ў барацьбу за права згуляць на чэмпіянаце свету.
У 2007 годзе была адкрыта новая старонка ў гісторыі в’етнамскага футбола: В’етнам сумесна з Інданезіяй, Малайзіяй і Тайландам стаў арганізатарам Кубка Азіі, і зборная В’етнама ўпершыню прыняла ўдзел у галоўным футбольным турніры кантынента. Атрымаўшы перамогу ў дэбютным матчы з камандай ААЭ і згуляўшы ўнічыю з Катарам, падапечныя аўстрыйскага трэнера Альфрэда Рыдля прабіліся ў чвэрцьфінал кантынентальнага першынства, дзе саступілі толькі будучым чэмпіёнам — зборнай Ірака.
У снежні 2007 года Альфрэд Рыдль пакінуў пасаду трэнера зборнай В’етнама. На змену яму прыйшоў партугалец Энрыке Калішту, які працаваў са зборнай у 2002 годзе. Пад яго кіраўніцтвам В’етнам стаў пераможцам чэмпіянату АСЕАН 2008 года.
This article uses material from the Wikipedia Беларуская article Зборная В’етнама па футболе, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.