Антылопы — група жывёл атрада парнакапытных сямейства пустарогіх за выключэннем быкоў, буйвалаў, казлоў і бараноў.
Пашыраны ў Афрыцы, Еўразіі, Паўночнай Амерыцы. Выдзяляецца 30 родаў, каля 80 відаў. Да роду антылопы (Antilope) належыць толькі індыйская антылопа гарна. У стэпах і саваннах Афрыкі жывуць буйныя каровіны антылопы — гну і бубалы, горная антылопа. Паўпустыні і пустыні Афрыкі насяляюць конскія антылопы, орыксы, адакс. У пустынях, стэпах і лесастэпах Афрыкі і Азіі жывуць газелі, да якіх належаць джэйран і дзерэн.
Вышыня ў карку ад 25 см (карлікавыя антылопы — Neotraginae) да 180 см (антылопа Кана), маса ад 8 кг да 1000 кг. Рогі прамыя і кароткія (ад 1,5 см) або доўгія (да 150 см) і выгнутыя ў выглядзе дугі або штопара. Афарбоўка ад светлай жоўта-пясчанай да шэра-блакітнай або амаль чорнай.
Спосаб жыцця стадны. Кормяцца травяністай расліннасцю. радзей лісцем дрэў. Нараджаюць 1—3 цялят.
Аб’екты палявання; выкарыстоўваюцца мяса, скура, рогі. Многія занесены ў Чырвоную кнігу МСАП.
This article uses material from the Wikipedia Беларуская article Антылопы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.