Ро́ўнасьць — тасунак паміж двума аб’ектамі, які азначае іх супадзеньне па пэўных характарыстыках.
Роўнасьць (у адрозьненьне ад тоеснасьці) не патрабуе супадзеньня ўсіх характарыстык аб’ектаў, якія параўноўваюцца, але толькі тых, што зьяўляюцца крытэрамі роўнасьці. Напрыклад, для роўнасьці трыкутнікаў неабходна, каб яны мелі аднолькавыя бакі і куты, і неабавязкова, каб яны мелі аднолькавыя каардынаты вяршыняў.
Такім чынам, роўнасьць зьяўляецца адносным паняцьцем, бо залежыць ад таго, якія характарыстыкі лічацца крытэрамі роўнасьці. Напрыклад, двух людзей, у залежнасьці ад сытуацыі, можна лічыць роўнымі, калі яны маюць аднолькавы ўзрост або калі яны маюць аднолькавыя рост і вагу. Тым ня менш, крытэры роўнасьці матэматычных аб’ектаў вызначаюцца адназначна.
Роўнасьць абазначаецца знакам «=», які ставіцца між абазначэньнямі аб’ектаў, што зьяўляюцца роўнымі. Ужываюць таксама паняцьце прыблізнай роўнасьці, якую абазначаюць знакам «≈».
Тасунак роўнасьці ўжываецца ва ўсіх галінах матэматыкі. Роўнасьць зьяўляецца тасункам эквівалентнасьці, а значыць, зьяўляецца рэфлексіўным, сымэтрычным і транзытыўным матэматычнымі тасункамі.
Роўнасьць, у якой фігуруюць зьменныя велічыні, называецца раўнаньнем.
This article uses material from the Wikipedia Беларуская (тарашкевіца) article Роўнасьць, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.