Горад Ліман: места ў Данецкай вобласьці Ўкраіны

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ліман (неадназначнасьць).

Разьмешчанае за 136 кілямэтраў ад Данецку. Тэрыторыя — 20 км². Насельніцтва — 23 тыс. мяшканцаў (2011).

Ліман
укр. Лиман
Герб Ліману Сьцяг Ліману
Дата заснаваньня:	1667
Горад з:	1938
Краіна:	Украіна
Вобласьць:	Данецкая
Раён:	Ліманская меская рада
Плошча:	18,2 км²
Вышыня:	107 м н. у. м.
Насельніцтва (2011)
колькасьць:	23 307 чал.
шчыльнасьць:	1280,6 чал./км²
Часавы пас:	UTC+2
летні час:	UTC+3
Тэлефонны код:	+380 6261
Паштовыя індэксы:	84400—84409
КОАТУУ:	1413300000
Геаграфічныя каардынаты:	48°59′24″ пн. ш. 37°48′36″ у. д. / 48.99° пн. ш. 37.81° у. д. / 48.99; 37.81 37°48′36″ у. д. / 48.99° пн. ш. 37.81° у. д. / 48.99; 37.81
Ліман на мапе Ўкраіны Ліман
Галерэя здымкаў у Вікісховішчы
Ліманская мескрада

Заснаванае ў 1667 року казакамі Ізюмскага полку як паселішча пры вартавых вежах паблізу Торскай фартэцыі (цяпер места Славянск). У 1825 Ліман быў ператвораны ў вайсковае паселішча, з 1857 жыхароў перавялі ў разрад дзяржаўных сялянаў. У 1911 побач зь местам была пракладзена чыгуначная каляя ды збудаваная станцыя. У 1925 паселішча перайменаванае на Красны Ліман, у 1938 прысвоены статус места.

Паводле зьвестак на 1864 рок ва ўласьніцкай слабадзе Ліман Ізюмскага павету Харкаўскай губэрні жылі 2622 асобы (1470 мужчынскай стаці і 1152 — жаночай), налічвалася 512 дваровых гаспадарак, існавала праваслаўная царква, адбываліся 2 штогадовыя кірмашы.

У 1885 у колішняй дзяржаўнай слабадзе Папоўскай воласьці мешкалі 3503 асобы, налічвалася 587 дваровых гаспадарак, існавалі праваслаўная царква, школа, 2 пастаялыя двары, 2 крамы, адбываліся 2 кірмашы на рок.

1 кастрычніка 2022 году Ўзброеныя сілы Ўкраіны вызвалілі Ліман пасьля 4-месячнай расейскай акупацыі.

Большасьць працаздольнага насельніцтва занятая на чыгунцы і ў аграпрамысловым комплексе.

Станцыя Красны Ліман, лякаматыўнае ды вагоннае дэпо, дыстанцыя каляі, сыгналізаціі, сувязі і вылічальнай тэхнікі, грамадзкія пабудовы, дарожныя электрамэханічныя майстэрні, чыгуначная машынная станцыя № 10, рэйказварны цягнік № 6, будаўніча-мантажны цягнік № 181 — галоўныя чыгуначныя прадпрыемствы, складальнікі Ліманскага чыгуначнага вузла. Рэйказварны цягнік № 6 зьдзяйсьняе зварныя апэрацыі ды апэрацыі па апрацоўцы каляі.

Другое месца па значнасьці займае аграпрамысловы комплекс. Агулам у раёне налічваецца 74 фэрмэрскія гаспадаркі, 15 сельскагаспадарчых прадпрыемстваў. У раёну закупляюць сланечнікавы алей і сам сланечнік прадпрыемствы Данецкай і Харкаўскай абласьцей. Асноўныя паказьнікі дзейнасьці прадпрыемстваў АПК: агульная плошча сельскагаспадарчых угодзьдзяў — 69,1 тыс. га, у тым ліку ніваў — 51,3 тыс. га; штогадовыя плошчы пасеву зернавых — 19,0 тыс. га, сланечніка — 6,1 тыс. га.

• Леанід Кізім — савецкі касманаўт, двойчы Герой Савецкага Саюзу
• Ігар Разаронаў — украінскі цяжкаатлет, прызэр Алімпійскіх гульняў

  Ліман (горад) — сховішча мультымэдыйных матэрыялаў

• Інфармацыйны партал Данеччыны
• Уліковая картка(недаступная спасылка) на бачыне Вярхоўнае Рады Ўкраіны
• Лиман — Інформаційно-пізнавальний портал | Донецька область у складі УРСР (На основі матеріалів енциклопедичного видання про історію міст та сіл України, том — Історія міст і сіл Української РСР. Донецька область. — К.: Головна редакція УРЕ АН УРСР, 1970. — 992 с.)