Крыстыян Эрыксэн: дацкі футбаліст

Раней выступаў за моладзевы склад дацкага «Одэнсэ». Са студзеня 2009 году зьяўляўся гульцом амстэрдамскага «Аяксу», пакуль у верасьні 2013 году не перайшоў у табар «Тотэнгэм Готспур». У стартавай гульні чэмпіянату Эўропы 2020 году ў матчы супраць зборнай Фінляндыі страціў прытомнасьць пасьля спыненьня сэрца. На полі яму зрабілі сардэчна-лёгачную рэанімацыю й адвезлі ў шпіталь. Праз шэсьць дзён ён быў выпісаны пасьля ўсталяваньня імплантаванага кардыёвэртар-дэфібрылятару.

Крыстыян Эрыксэн
Пэрсанальная інфармацыя
Нарадзіўся	14 лютага 1992(1992-02-14) (32 гады) Мідэльфарт[d], Фюн[d], Данія
Рост	182 см
Вага	70 кг
Пазыцыя	атакуючы паўабаронца
Клюбная інфармацыя
Клюб	Манчэстэр Юнайтэд
Нумар	14
Клюбы
Гады	Клюб	Гульні (галы)¹
2010—2013 2013—2020 2020—2021 2022 2022—	Аякс Тотэнгэм Готспур Інтэрнацыянале Брэнтфард Манчэстэр Юнайтэд	113 (25) 226 (51) 43 (4) 11 (1) 44 (2)
Зборныя
2010—	Данія	126 (40)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 24 лютага 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 17 кастрычніка 2023.

Сваю футбольную кар’еру Крыстыян Эрыксэн пачаў у сваім родным горадзе Мідэльфарт, а затым папоўніў моладзевай склад клюбу «Одэнсэ». Эрыксэн прайшоў футбольную школу «Одэнсе», а таксама стажыраваўся ў «Чэлсі» й «Барсэлёне». На думку лёнданцаў Крыстыян для іх быў фізычна слабы, але гішпанцы былі зацікаўлены маладым талентам.

«Барсэлёну» апярэдзіў амстэрдамскі «Аякс», які 17 кастрычніка 2008 году заключыў з Эрыксэнам кантракт на два з паловай гады; падпісанае пагадненьне пачынала дзейнічаць з 1 студзеня 2009 году. Паводле некаторых зьвестак трансфэр дацкага гульца абыйшоўся «Аяксу» ў 1 млн эўра.

У кастрычніку 2009 году Крыстыян быў прызнаны найлепшым маладым футбалістам Даніі ва ўзросьце да 17 гадоў. У студзені 2009 году Эрыксэн папоўніў склад юнацкай каманды «Аякс», чыім трэнэрам зьяўляўся Робін Пронк. Крыстыян хутка прагрэсаваў і быў пераведзены Франкам дэ Бурам у наступную ўзроставую каманду амстэрдамцаў.

У пачатку студзеня 2010 году Мартын Ёль перавёў Эрыксэна зь юнацкай каманды ў асноўную. Малады датчанін адправіўся на міжсэзонны збор з асноўнай камандай у Партугалію й прыняў удзел у некалькіх таварыскіх гульнях. У сярэдзіне студзеня 2010 году Крыстыян быў упершыню ўключаны ў заяўку асноўнага складу на маючы адбыцца матч чэмпіянату Нідэрляндаў супраць клюбу «НАК Брэда». 17 студзеня ў гульні супраць НАКу Эрыксэн ва ўзросьце 17 гадоў афіцыйна дэбютаваў за каманду, адыграўшы 85 хвілінаў, Крыстыян быў заменены на Сыма дэ Ёнга, а матч скончыўся ўнічыю 1:1. У пачатку красавіка 2010 году Эрыксэн падоўжыў свой кантракт з клюбам да 30 чэрвеня 2014 году.

30 жніўня 2013 году было абвешчана, што Крыстыян стаў гульцом клюбу «Тотэнгэм Готспур». Лічыцца, што ўгода абыйшлася ангельскаму клюбу у 11 млн фунтаў стэрлінгаў, пасьля таго як Эрыксэн прайшоў мэдычнае абсьледваньне ў клюбе.

Крыстыян атрымаў сваё першае запрашэьне ў склад нацыянальнай зборнай Даніі ў лютым 2010 году, дэбютаваўшы ў таварыскім матчы супраць зборнай Аўстрыі ў сакавіку.

«Аякс»:

• Чэмпіён Нідэрляндаў: 2011, 2012, 2013
• Уладальнік Кубка Нідэрляндаў: 2010
• Уладальнік Супэркубка Нідэрляндаў: 2013

«Інтэрнацыянале»:

• Чэмпіён Італіі: 2021

«Манчэстэр Юнайтэд»:

• Уладальнік Кубка футбольнай лігі: 2023

• Профіль на афіцыйным сайце «Аякса»
• Профіль на сайце National Football Teams