Каралеўская акадэмія мастацтваў (па-ангельску: Royal Academy of Arts) — найбольш уплывовае і аўтарытэтнае згуртаваньне мастакоў Вялікабрытаніі.
Заснаваная ў 1768 г.: 10 сьнежня гэтага году былі зацьверджаныя першыя 40 чальцоў Акадэміі. Першым прэзыдэнтам Акадэміі быў абраны Джошуа Рэйналдс.
У цяперашні час склад Акадэміі абмежаваны 80 месцамі, зь якіх 14 зарэзэрваваныя для скульптараў, 12 для архітэктараў і 8 для гравёраў; астатнія 46 займаюць жывапісцы. Новыя акадэмікі абіраюцца дзейнымі чальцамі Акадэміі.
Асновай дзейнасьці Акадэміі зьяўляюцца штогадовыя публічныя выставы. Паводле правілаў, удзельнічаць у маюць права ня толькі акадэмікі, але і любыя іншыя жадаючыя мастакі, для чаго неабходна падаць сваю работу на разгляд конкурснай камісіі. Шматлікія работы на штогадовых выставах прадаюцца. Нароўні з работай стала дзейнага музэю Акадэміі штогадовыя выставы зьяўляюцца адным з асноўных крыніц прыбытку Акадэміі — гэта істотна, паколькі Каралеўская акадэмія мастацтваў пааводле свайго статус не прымае фінансавай падтрымкі ад дзяржавы або кароны.
Сярод чальцоў Акадэміі былі такія выбітныя брытанскія мастакі, як Томас Гейнсбара, Джозэф Тэрнэр, Джон Канстэбл, Джон Эвэрэт Мілэй.
Каралеўская акадэмія мастацтваў — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Каралеўская акадэмія мастацтваў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.