Дзёньнік Ганны Франк
«Дзёньнік Ганны Франк» (па-нідэрляндзку: Het achterhuis, даслоўна «У задняй частцы дома», другі пераклад — «Прытулак») — запісы на нідэрляндзкай мове, якія вяла габрэйская дзяўчынка Ганна Франк з 12 чэрвеня 1942 году па 1 жніўня 1944 году ў пэрыяд нацысцкай акупацыі Нідэрляндаў.
З пачатку 1944 году Ганна пачала літаратурна апрацоўваць свае запісы, у прыватнасьці, замяняючы імёны дзеючых асобаў, спадзеючыся на публікацыю дзёньніка пасьля вызваленьня Нідэрляндаў, аднак гэтая праца засталася няскончанай. Апошні запіс у дзёньніку датаваны 1 жніўня 1944 году, праз тры дні гестапа арыштавала ўсіх, хто хаваўся ў прытулку. Сама Ганна памерла ў канцэнтрацыйным лягеры Бэрген-Бэльзэн. Ейныя запісы захаваліся і былі перададзеныя ейнаму ацалеламу ў Асьвенціме бацьку Ота Франку, які ў 1947 годзе склаў скарочаны варыянт для публікацыі. Ота Франк завяшчаў арыгінал дзёньніка Нідэрляндзкаму дзяржаўнаму інстытуту ваеннай дакумэнтацыі.
| Дзёньнік Ганны Франк | |
| Het achterhuis | |
 рукапісы дзёньніка | |
| Жанр: | аўтабіяграфія |
|---|---|
| Аўтар: | Ганна Франк |
| Мова арыгіналу: | нідэрляндзкая |
| Публікацыя: | 1947 (Нідэрлянды) |
Упершыню твор быў выдадзены ў Нідэрляндах ў 1947 годзе, у ЗША і Вялікабрытаніі ў 1952 годзе пад назвай «Дзёньнік дзяўчынкі» (анг. The Diary of a Young Girl). На аснове дзёньніка было створана некалькі мастацкіх твораў.
Вонкавыя спасылкі
 | Гэта — накід артыкула па літаратуры. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Дзёньнік Ганны Франк, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.