Гетэрасэксуа́льнасьць, Ґетэрасэксуа́льнасьць (ад грэц.
έτερος іншы + лац. sexus плоць) — у шырокім сэнсе слова фэномэн чалавечай сэксуальнасьці, які ўключае або можа ўключаць у сябе гетэрасэксуальную арыентацыю, гетэрасэксуальную ідэнтычнасьць і гетэрасэксуальныя паводзіны.
У вузкім сэнсе слова гетэрасэксуальнасьць — гэта адна з сэксуальных арыентацый, вызначаная як эмацыйная, рамантычная (плятанічная), эратычная (пачуцьцёвая) альбо палавая цяга да асобаў процілеглай стаці. Зьяўляецца адной з трох сэксуальных арыентацый нароўні з гомасэксуальнасьцю і бісэксуальнасьцю.
Гетэрасэксуальная арыентацыя зьяўляецца самай распаўсюджанай на Зямлі. Шматлікія завуць яе таксама «традыцыйная арыентацыя».
У сувязі са шматзначнасьцю тэрміна «гетэрасэксуальнасьць» у навуковай літаратуры ў апошні час стала прынята карыстацца ўдакладняючымі або вузейшымі тэрмінамі — напрыклад, казаць аб гетэрасэксуальнай арыентацыі або гетэрасэксуальных паводзінах, аб гетэрасэксуальнасьці ў цэлым (як зьяве) або аб гетэрасэксуальнасьці як кропцы на падшкале «сэксуальнасьць» шкалы Кінсі, за выключэньнем сытуацыяў, калі сэнс тэрміну «гетэрасэксуальнасьць» ясны з кантэксту.
This article uses material from the Wikipedia Беларуская (тарашкевіца) article Гетэрасэксуальнасьць, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.