Vvvvvv
VVVVVV — кампутарная гульня ў жанры плятформэр, распрацаваная і выдадзеная Тэры Кевэнэгам (Terry Cavanagh) для Windows і Mac OS у студзені 2010 году.
Вэрсія для Linux распрацоўвалася раней, але праз тэхнічныя складанасьці распрацоўка была прыпыненая.
| VVVVVV | |
 | |
| Дата выпуску | 11 студзеня 2010 |
|---|---|
| Жанр | puzzle-platformer[d] |
| Ліцэнзія | платная ліцэнзія[d] |
| Стваральнікі | |
| Распрацоўнік | Тэры Кевэнэг |
| Выдаўцы | Kongregate, Valve (Steam) |
| Мова інтэрфэйсу | ангельская мова, француская мова, валійская мова, гішпанская мова, нямецкая, ірляндзкая мова, арабская мова, расейская мова, польская мова, нідэрляндзкая, каталянская мова, традыцыйная кітайская[d], спрошчаная кітайская[d], турэцкая мова, украінская мова, бразыльская партугальская мова[d], партугальская і карэйская мова |
| Дызайнэр | Terry Cavanagh[d] |
| Кампазытар | |
| Тэхнічныя дэталі | |
| Рухавік | Fl[d] |
| Плятформы | Windows, Mac OS X, Adobe Flash |
| Рэжым | Адзіночная гульня |
| Носьбіт | лічбавы распаўсюд[d] і лічбавая загрузка[d] |
| Кіраваньне | клявіятура |
| Афіцыйны сайт | |
| VVVVVV у Вікісховішчы | |
У VVVVVV гулец кантралюе капітана Вірыдыяна, які згубіўся ў альтэрнатыўным вымярэньні ў пошуку зьніклых чальцоў каманды свайго касьмічнага карабля. Замест выкананьня прыжкоў гулец здольны кантраляваць кірунак гравітацыі, дазваляючы капітану Вірыдыяну пераскокваць паміж падлогай і стольлю ў межах узроўню.
На графічны стыль VVVVVV моцна паўплываў Commodore 64; таксама гульнявы саўндтрэк складаецца цалкам з чыпцюн-музыкі, створанай Магнусам Полсанам пад назвай PPPPPP.
Сюжэт
Гулец кантралюе капітана Вірыдыяна, які напрыканцы VVVVVV павінен эвакуяваць свой карабель разам са сваёй камандай у той час, калі на касьмічнае судна пачынае ўзьдзейнічаць «прасторавая інтэрфэрэнцыя» (анг. dimensional interference). Каманда ўцякае праз тэлепорт; аднак капітан знаходзіць сябе аддзеленым ад каманды, якая перамясьцілася ў іншы канец тэлепортэра. Па вяртаньні на карабель капітан заўважае, што судна трапіла ў альтэрнатыўнае вымярэньне (вымярэньне VVVVVV) і што яго каманда расьцярушылася па ўсёй прасторы гульнявога сьвету. Мэтай гульца, у ролі капітана Вірыдыяна, зьяўляецца выратаваньне зьніклых чальцоў каманды і выяўленьне прычыны прасторавай інтэрфэрэнцыі.
Геймплэй
У адрозьненьне ад многіх плятформавых гульняў у VVVVVV гулец ня здольны скакаць. Замест гэтага, стоячы на паверхні, ён зьмяняе кірунак дзеяньня гравітацыі, спрычыняючы капітана падаць уверх альбо далоўку. Гулец выкарыстоўвае гэты спосаб паўсюль, мінаючы шматлікія небясьпекі ў форме чырвоных дзідаў і рухомых ворагаў. Пазьнейшыя лякацыі прадстаўляюць новыя спосабы кантраляваньня скажоным вымярэньнем: рухальныя плятформы альбо памяшканьні, якія па датыканьні да краю гульнявога экрану пераносяць гульнявога пэрсанажа ў супрацьлеглы бок памяшканьня. VVVVVV складаецца з шасьці асноўных узроўняў, якія знаходзяцца ў межах больш вялікага гульнявога сьвету. Праз высокі ўзровень складанасьці гульня зьмяшчае шмат кантрольных пунктаў, да якіх пасьля сьмерці вяртаецца гульнявы пэрсанаж.
Крыніцы
Вонкавыя спасылкі
- VVVVVV афіцыйны сайт
- VVVVVV Wiki
- PPPPPP афіцыйны сайт
- VVVVVV на Kongregate
- VVVVVV на Steam
This article uses material from the Wikipedia Беларуская (тарашкевіца) article VVVVVV, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.