Iana: падразьдзяленьне ICANN, непрыбытковай арганізацыі ЗША

118.40472° з. д. / 33.98278; -118.40472

Сеціўная ўправа наданьня нумароў (анг. IANA) — амэрыканская арганізацыя, якая кіруе прасторамі IP-адрасоў, дамэнаў верхняга ўзроўню, а таксама рэгіструе тыпы дадзеных MIME і парамэтры іншых пратаколаў Інтэрнэта. Знаходзіцца пад кантролем СТНІН.

IANA адказвае за разьмеркаваньне ўсіх зарэзэрваваных імёнаў і нумароў, якія выкарыстоўваюцца ў пратаколах, вызначаных у RFC.

Разьмеркаваньне IP-адрасоў

IANA дэлегуе свае паўнамоцтвы па разьмеркаваньні IP-адрасоў рэгіянальным рэгістратарам у выглядзе дыяпазонаў кляса A («/8»). Рэгіянальныя рэгістратары, у сваю чаргу, дэлегуюць драбнейшыя дыяпазоны інтэрнэт-правайдэрам.

Таксама выдаюцца IPv6-адрасы, але ў дадзеным выпадку падзел паўнамоцтваў невялікі, бо прапанова значна перавышае попыт.

Дамэнныя імёны

IANA, сумесна з апэратарамі дамэнаў верхняга ўзроўню, кіруе дадзенымі каранёвых сэрвэраў DNS.

1 сакавіка 2000 году кіраўнік Апэратыўнай групы праектаваньня Сеціва (АГПС) Фрэд Бэйкер і старшыня Сеціўнага таварыства па наданьні імёнаў і нумароў (СТНІН) Майк Робэртс падпісалі Мэмарандум паразуменьня датычна тэхнічнай працы Сеціўнай управы наданьня нумароў (СУНН). Паводле пункту 4.1, «СУНН будзе надаваць і ставіць на ўлік уласьцівасьці Інтэрнэт-пратаколу толькі паводле мерак і парадку, вызначанага ЗК (запытамі камэнтароў ад АГПС), у тым ліку прапанаваныя, чарнавыя і поўныя запісы стандартаў Сеціва і лепшай бягучай практыкі». Згодна з пунктам 4.4, «СУНН мае зрабіць даступнымі грамадзкасьці анлайн і задарма зьвесткі пра кожнае бягучае наданьне, у тым ліку кантактныя зьвесткі ўпаўнаважанай асобы». Паводле пункту 4.5, «СУНН мае забясьпечыць грамадзкасьці ўмовы для анлайн-запыту наконт наданьня ўласьцівасьці Інтэрнэт-пратаколу».

Кіраўнікі

• Джонатан Постэл (сьнежань 1988 — 16 кастрычніка 1998)
• Джойс Рэйналдз (17 кастрычніка 1998 — 2001)

• Кантакты (анг.) // Сеціўная ўправа наданьня нумароў, 2018 г. Праверана 9 кастрычніка 2018 г.