Рэнэ́ Ба́ўман (па-нямецку: René Baumann), больш вядомы пад сцэнічным псэўданімам Dj Bobo (вымаўляецца «Ды́-Джэй Боба»; нарадзіўся 5 студзеня 1968 году, Кёлікен, Ааргаў, Швайцарыя) — швайцарскі сьпявак, музы́ка, ды-джэй, які працуе ў стылі эўрадэнс.
Рэнэ Баўман | |
Dj Bobo на канцэрце ў Кёльне ў 2005 г. | |
Дата нараджэньня | 5 студзеня 1968 (56 гадоў) |
---|---|
Месца нараджэньня | Кёлікен, Ааргаў, Швайцарыя |
Грамадзянства | Швайцарыя |
Прафэсія | сьпявак, музы́ка, паэт-песеньнік, ды-джэй |
Жанры | эўрадэнс |
Інструмэнты | голас[d] |
Псэўданімы | Dj Bobo |
Лэйблы | Bertelsmann Music Group[d] |
Узнагароды | |
Сайт | djbobo.ch (анг.) |
Рэнэ Баўман нарадзіўся 5 студзеня 1968 году ў швайцарскім Кёлікене. Маці Рэнэ разыйшлася зь ягоным бацькам, італьянцам Люіджы Чыпрыяна, яшчэ да нараджэньня сына, і Рэнэ рос бяз бацькі (пазнаёміўся зь ім толькі ў 2001 годзе). У дзяцінстве хлопчык захапляўся футболам. Пасьля школы вывучыўся на кандытара. У 1985 годзе пачаў працаваць ды-джэям у Аараў. У той час Рэнэ атрымаў мянушку BoBo («БоБа», у гонар аднаго з герояў коміксаў), якую пазьней узяў сабе ў якасьці сцэнічнага псэўданіму.
У 1990 годзе Dj Bobo атрымаў прапанову выдаць сынгл, у выніку чаго выйшаў сынгл I Love You. У 1991 г. выйшлі сынглы Ladies in the House і Let’s Groove on. У канцы 1992 году выходзіць Somebody Dance with Me, які ў наступным 1993 годзе дасягнуў гіт-парадаў шэрагу краінаў. Затым посьпех быў падмацаваны такімі гітамі як "Take Control", "Everybody", "Let The Dream Come True" і "Love Is All Around".
Папулярнасьць Dj Bobo не паменшылася і пасьля 1990-х: у прыватнасьці, у 2003 годзе ў гіт-парады трапіў ягоны гіт Chihuahua. У 2007 годзе Dj Bobo зь песьняй Vampires Are Alive прадстаўляў Швайцарыю на конкурсе Эўрабачаньне ў Хэльсынкі, але ў фінал ня трапіў. У 2017 годзе артыст адзначыў свой 25-гадовы юбілей на сцэне турам па Нямеччыне, Аўстрыі й Швайцарыі.
У першым шлюбе быў жанаты на Даніеле Баўман. З 2001 г. у шлюбе з Нансі Рэнч, якая раней сьпявала ў гуртах 3-o-Matic і Haddaway. Разам яны маюць двух дзяцей (сына і дачку). Жывуць у Горве пад Люцэрнам, на беразе Фірвальдштэцкага возера.
DJ BoBo — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Dj Bobo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.