Яўген Сяргеевіч Васьковіч (нарадзіўся 26 лютага 1990 году, Бабруйск) — беларускі грамадзка-палітычны дзеяч, журналіст.
Лідэр беларускай моладзевай арганізацыі «Малады Фронт».
Яўген Васьковіч | |
Асабістыя зьвесткі | |
---|---|
Нарадзіўся: | 26 лютага 1990 (34 гады) Бабруйск |
Партыя: | Беларуская хрысьціянская дэмакратыя (незарэгістраваная) |
Адукацыя: | Магілёўскі дзяржаўны ўнівэрсытэт імя Аркадзя Куляшова |
Паходзіць зь сям’і рабочых. Вучыўся завочна на журналісцкім аддзяленьні філялягічнага факультэту Магілёўскага дзяржаўнага ўнівэрсытэту імя Аркадзя Куляшова. Працаваў у газэце «Бобруйский курьер». Сябар незарэгістраванай партыі «Беларуская хрысьціянская дэмакратыя» і «Маладога фронту».
У красавіку 2010 году балятаваўся ў бабруйскі гарсавет.
Падчас прэзыдэнцкай кампаніі 2010 году сябар ініцыятыўнай групы кандыдата на прэзыдэнты ад БХД Віталя Рымашэўскага. За ўдзел у акцыі пратэстаў 19 сьнежня 2010 году быў затрыманы і асуджаны да 12 сутак арышту.
18 траўня 2011 году асуджаны паводле ч. 2 арт. 339 (злоснае хуліганства) і ч. 3 арт. 218 (наўмыснае зьнішчэньне альбо пашкоджаньне маёмасьці ў асабліва буйных памерах) КК Рэспублікі Беларусь разам з Арцёмам Пракапенкам і Паўлам Сырамолатавым на 7 гадоў пазбаўленьня волі ў калёніі ўзмоцненага рэжыму за спробу падпалу ў ноч на 17 кастрычніка 2010 году будынку Бабруйскага КДБ, у які былі кінутыя бутэлькі з запальнай сумесьсю. Судзьдзя — Павал Карцінін, пракурор — Любоў Тоўсьцік.
Спачатку адбываў пакараньне ў Магілёўскай калёніі № 15, а 12 кастрычніка 2011 году пераведзены на больш жорсткі рэжым у Магілёўскую турму № 4. Неаднаразова трапляў у штрафны ізалятар за непадпарадкаваньне.
Паводле ацэнкі праваабарончага цэнтру «Вясна», у дзеяньнях Яўгена Васьковіча, Паўла Сырамалотава, і Арцёма Пракапенкі «ўглядаюцца прыкметы правапарушэньня, але адзначаем несправядлівую кваліфікацыю іх дзеяньняў і празьмернасьць вынесенага пакараньня. Лічым, што яны адбылі ўжо дастатковае пазбаўленне волі для зьдзейсьненага ўчынку і ўтрыманьне надалей іх у зьняволеньні палітычна матываванае».
З 9 сьнежня 2017 году Васьковіч займае пасаду старшыні «Маладога Фронту».
This article uses material from the Wikipedia Беларуская (тарашкевіца) article Яўген Васьковіч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.