Юры Андруховіч
Юры Андруховіч (па-ўкраінску: Юрій Андрухович, нар.
13 сакавіка 1960 ў Станіславе) — украінскі паэт, празаік, перакладчык, эсэіст.
| Юры Андруховіч | |
 | |
| Асабістыя зьвесткі | |
|---|---|
| Нарадзіўся | 13 сакавіка 1960 (64 гады) |
| Дзеці | Соф’я Андруховіч |
| Літаратурная дзейнасьць | |
| Род дзейнасьці | пісьменьнік, паэт, перакладнік, эсэіст |
| Мова | украінская мова, расейская мова, нямецкая, польская мова і ангельская мова |
| Узнагароды | |
У 1985 годзе разам зь Віктарам Небаракам ды Аляксандрам Ірванцом заснавалі паэтычную суполку Бу-Ба-Бу. З 1991 году Андруховіч быў сурэдактарам літаратурна-мастацкага журналу «Четвер», супрацоўнічаў таксама з журналам «Перевал», выступіўшы ўкладальнікам дзьвух яго нумароў.
У часопісе «Сучасність» упершыню былі апублікаваныя ягоныя самыя вядомыя прозавыя творы: «Рекреації» (1992), «Московіада» (1993), «Перверзія» (1996) (пазьней выданыя ў 1997 годзе асобнымі кнігамі), эсэ «Центрально-Східна ревізія» («Сучасність», 2000, №3).
Прысутнасьць Андруховіча ў Івана-Франкоўску стала важным фактарам узьнікненьня г.зв. «станіслаўскага фэномэну» (кола мясцовых пісьменьнікаў) ды фармаваньня мясцовай мастацкай эліты. Творчасьць Андруховіча мае значны ўплыў на ход сёньняшняга літаратурнага працэсу ва Ўкраіне. Працы Андруховіча перакладзеныя на шмат моваў, сярод якіх польськая, ангельская, нямецкая, француская, расейская, вугорская, фінская, швэдзкая, гішпанская, чэская, славацкая ды эспэранта.
28 жніўня 2016 Андруховіч быў узнагароджаны мэдалём Гётэ.
Жанаты. Ягоная дачка Сафія таксама пісьменьніца.
Беларускія пераклады
На беларускую мову вершы Андруховіча пераклаў Андрэй Хадановіч.
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Юры Андруховіч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.