Ю́зэф Я́мант (1841, Вільня — невядома) — удзельнік паўстаньня 1863—1864 гадоў.
Брат Марыі Ямант.
Асабістыя зьвесткі | |
---|---|
Нарадзіўся | 1841 Вільня, Расейская імпэрыя |
Род | Яманты |
Бацькі | Тадэвуш Ямант Схаластыка з Макрыцкіх[d] |
Рэлігія | рыма-каталік |
Нарадзіўся ў 1841 годзе ў сям’і надворнага саветніка Тадэвуша Яманта і Схаластыкі з Макрыцкіх.
Першую адукацыю атрымаў у Віленскім шляхецкім інстытуце. У 1858 годзе паступіў у Пецярбурскі ўнівэрсытэт, дзе разам з Канстанцінам Каліноўскім належаў да кіраўнічае групы студэнцкага зямляцтва «Агул». За шчыры патрыятызм і рэвалюцыйныя погляды К. Каліноўскі называў яго «палкім ідэалістам». Лічыцца, што менавіта празь Юзэфа ў Вільні ў 1861 годзе адбылося знаёмтсва Канстанціна Каліноўскага з Марыяй Ямант.
У 1861 годзе пакінуў унівэрсытэт, каб разам з Канстанцінам Каліноўскім прыняць чынны ўдзел ў арганізацыі паўстаньня. З чэрвеня 1863 году шчыльна зь ім супрацоўнічае і працуе асабістым сакратаром. У сваіх паказаньнях Віленскай сьледчай камісіі, якія ён даў пасьля свайго арышту, Юзэф Ямант сказаў наступнае:
…З чэрвеня па верасень я займаўся пры К. Каліноўскім напісаньнем арганізацыйных папер… Я працаваў толькі з тымі паперамі, якія патрабавалі стараннай апрацоўкі (напрыклад: цыркуляры, вёў палеміку з Варшавай, якая не разумела мясцовых адметных умоваў Літоўскага краю і г. д. …У адпаведныя часы я зьяўляўся, атрымліваў ад Каліноўскага сюжэт паперы і тут жа яго апрацоўваў. Каліноўскі ў гэты час займаўся чытаньнем атрыманай карэспандэнцыі. Калі яго не было, то Далеўскі перадаваў мне ад Каліноўскага запіску аб зьмесьце патрабаванай паперы, якую я пакідаў Далеўскаму для перапіскі начыста, калі ня мог адразу напісаць яе на блянку. | ||
З 10 верасьня 1863 — рэвалюцыйны камісар Менскай губэрні. Арыштаваны 10 студзеня 1864 г. Высланы ў Сыбір асобна ад іншых чальцоў сям’і.
This article uses material from the Wikipedia Беларуская (тарашкевіца) article Юзэф Ямант, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.