Эдвард Ян Ромэр (14 траўня 1806-15 траўня 1878) — грамадзкі дзяяч, літаратар, перакладчык і мастак.
З шляхецкага роду Ромэраў. Бацька Альфрэда Ізідара Ромэра.
Вучыўся ў Віленскім унівэрсытэце (1823—1828), жывапісу — у Я.Рустэма. У час паўстаньня 1830—1831 сябар Віленскага цэнтральнага паўстанцкага камітэту. У 1833 арыштаваны й асуджаны на пажыцьцёвую ссылку ў г. Волагда, аднак праз год атрымаў дазвол вярнуцца на радзіму. У 1834 усталяваў сувязь зь Літоўскім камітэтам (Вільня), падтрымліваў адносіны з эмігранцкім лягерам польскага «караля дэ-факта» А. Ю. Чартарыскага. У ліпені 1838 зноў арыштаваны па справе Ш. Канарскага, асуджаны да сьмяротнага пакараньня, замененага новай ссылкай у Волагду (да 1852). Пасьля вяртаньня ў Вільню быў пад наглядам паліцыі. Быў сябрам Музэю старажытнасьцяў і Віленскае археалягічнае камісіі (ад 1855), дырэктарам 2-га аддзелу Таварыства дабрачыннасьці (ад 1855), сябар шэрагу іншых таварыстваў. У час паўстаньня 1863—1864 пад хатнім арыштам. Пазьней працаваў у Таварыстве дабрачыннасьці, сябар праўленьня Зямельнага банку. Аўтар эпіграмаў на знакамітых сучасьнікаў, перакладаў, партрэтаў сына Альфрэда Ізідара і іншых сяброў сваёй сям’і.
Эдвард Ян Ромэр — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Эдвард Ян Ромэр, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.