Шыракалістыя лясы — лясы, якія складаюцца з дрэвавых пародаў з шырокімі ліставымі пласьцінкамі (дуб, бук, клён, ліпа, граб, ільм і іншыя).
Шыракалістыя лясы распаўсюджаныя пераважна ва ўмераным кліматычным поясе Паўночнага паўшар’я.
На тэрыторыі Беларусі не ўтвараюць значных масіваў, а сустракаюцца асобнымі астраўкамі сярод іншых лясных фармацыяў. Найвялікшыя абшары шыракалістых лясоў знаходзяцца ў Белавескай і Налібоцкай пушчах, а таксама на Наваградзкім і Менскім узвышшах. Асноўнымі шыракалістымі пародамі ў Беларусі зьяўляюцца дуб чарэшчаты, граб звычайны, ясень звычайны, клён востралісты, ліпа драбналістая і вяз гладкі. У Паазер’і граб практычна адсутнічае і замяняецца елкай эўрапейскай. Сталымі спадарожнікамі шыракалістых пародаў у беларускіх лясах зьяўляюцца алешына чорная, бяроза барадаўчатая і асіна. Сярод усіх шыракалістых лясоў найвялікшую плошчу займаюць дубовыя: 2,8 тыс. км² або 4% усёй лесапакрытай паверхні краіны.
This article uses material from the Wikipedia Беларуская (тарашкевіца) article Шыракалісты лес, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.